قر ءبىلىم جانە عىلىم ءمينيسترى اسحات ايماعامبەتوۆ ەلەكتروندى وقۋلىقتاردىڭ ەنگىزىلۋىنە قاتىستى پىكىر ءبىلدىردى, دەپ حابارلايدى قازاقپارات ءتىلشىسى.
مەكتەپ وقۋلىقتارى EPUB ەلەكتروندىق فورماتىندا قول جەتىمدى بولادى. بۇل وقۋشىلارعا كەز-كەلگەن ەلەكتروندى قۇرىلعىلاردا اشۋعا مۇمكىندىك بەرەدى.
ء«بىز قازىر رەسپۋبليكا بويىنشا 1-دەن 10-قا دەيىنگى وقۋشىلارعا ارنالعان بارلىق وقۋلىقتاردىڭ ەلەكتروندى نۇسقالارىن ەنگىزۋدەمىز. ولار مينيسترلىكتىڭ سايتىندا ورنالاستىرىلادى. ولاردى QR-كود ارقىلى جۇكتەۋگە بولادى», دەدى مينيستر.
بۇعان دەيىن, قر بعم 1 قىركۇيەكتەن باستاپ EPUB فورماتىنداعى 1-10 سىنىپتارعا ارنالعان وقۋلىقتاردىڭ ەلەكتروندى نۇسقالارى مينيسترلىكتىڭ سايتىندا ورنالاستىرىلاتىنى تۋرالى حابارلانعان بولاتىن. بۇل وقۋشىلارعا ەلەكتروندى قۇرىلعىلار ارقىلى وقۋلىقتاردى قولدانۋعا جانە سومكەسىنىڭ سالماعىن جەڭىلدەتۋگە مۇمكىندىك بەرەدى.
دەنساۋلىق ساقتاۋ مينيسترلىگى بەلگىلەگەن نورمالارعا سايكەس, 1-3 سىنىپ وقۋشىلارىنىڭ مەكتەپ سومكەسىنىڭ سالماعى ەكى كەلىدەن اسپاۋى كەرەك. 4-6 سىنىپ وقۋشىلارىنىڭ ريۋكزاكتارىنىڭ سالماعى ەكى جارىم كەلىدەن اسپاۋى ءتيىس. 8-دەن 11-گە دەيىن, بەلگىلەنگەن نورما بەس كەلىدەن ءسال از.