حاكىم ابايدىڭ 175 جىلدىعىنا وراي الماتى قالاسى جاستار ساياساتىن دامىتۋ مەملەكەتتىك قورىنىڭ ۇيىمداستىرۋىمەن «اباي» مەترو بەكەتىندە جاس كىتاپ قۇمارلارعا ارنالعان Bookcrossing ءوتتى.
جەكە كىتاپحانا قورىن جاڭارتۋ, ۇلى اقىن اباي قۇنانباەۆتىڭ شىعارمالارىن ناسيحاتتاي وتىرىپ, جاستار قاۋىمىن سيرەك تۋىندىلارىمەن تانىستىرۋ ماقساتىندا وتكەن شارادا اقىننىڭ ەڭ ۇزدىك ولەڭدەرى, قارا سوزدەرى مەن اندەرى وقىلدى. جاستار Bookcrossing-ءنىڭ ەڭ بەلسەندى قاتىسۋشىلارى سىيلىقتار ويناتۋعا جانە ۇلى اقىننىڭ شىعارمالارى مەن ولەڭدەرىن وقۋعا ارنالعان كۆيزگە قاتىسىپ, تاماشا كونتسەرتتىڭ كۋاسى بولدى. شاراعا ارنايى شاقىرىلعان «ۇلتتىق اۋدارما بيۋروسىنىڭ» رەداكتورى ەسەي جەڭىس ۇلى مەن ء«مولدىر ب ۇلىق» جۋرنالىنىڭ رەداكتورى سايات قامشىگەر حاكىم ولەڭدەرىنىڭ بۇگىنگى جاس ۇرپاق ءۇشىن تاربيەلىك ءمانى زور ەكەنىن اتاپ ءوتتى.
ۇلى اباي شىعارمالارىن ناسيحاتتاۋ ماقساتىندا الماتىدا 1 تامىزدان باستاپ بايتۇرسىنوۆ كوشەسى, 22/ك-1, Depo Evolution Park, جاستار رەسۋرستىق ورتالىعى, 4-قابات مەكەن-جايى بويىنشا كىتاپتاردى قابىلداۋ پۋنكتى اشىلعان بولاتىن. وسى ورتالىقتا اباي قۇنانباەۆتىڭ كەز كەلگەن شىعارمالارىمەن بىرگە كوركەم ادەبيەت, بالالار, جاسوسپىرىمدەر جانە ىسكەرلىك, سونداي-اق, پسيحولوگيا, فيلوسوفيا جانە ءوزىن-ءوزى دامىتۋعا ارنالعان كىتاپتار قابىلداندى.
الماتى