الماتى قالاسى كاسىپكەرلەر پالاتاسىنىڭ IT كەڭەسىندە قالالىق ءبىلىم بەرۋدەگى جاڭا تەحنولوگيالار عىلىمي-ادىستەمەلىك ورتالىعىنىڭ ديرەكتورى اندرەي دۋپيك شاھارداعى جالپى ءبىلىم بەرەتىن مەكتەپتەر بازاسىندا فاكۋلتاتيۆتەر اشىلىپ, سۇرانىسقا يە باعىتتار – ءموبيلدى قوسىمشالار, ۆەب-سايتتار, ويىندار, 3D مودەلدەۋ, روبوتتەحنيكا بويىنشا ءاربىر وقۋشى مەن مۇعالىمگە قولجەتىمدى ەلەكتروندى پلاتفورما جاسالاتىنىن جەتكىزدى.
بۇل جۇيەدە بەلگىلى ءبىر تاقىرىپ بويىنشا بەينە- ساباقتار, كونتەنت, تەستىلەۋ جۇرگىزىلەدى. جوبا قالاداعى IT-كومپانيالارمەن كەڭەسىپ جاسالادى. قازىر جوبانىڭ ەلەكتروندى پلاتفورماسىن قۇرۋ جۇمىستارى جۇرگىزىلۋدە. العاشقى كەزەڭدە قالا مەكتەپتەرىنىڭ 50 پايىزىن قامتۋ جوسپارلانىپ وتىر.
جاڭا وقۋ جىلى باستالعان ساتتە الماتى وقۋشىلارى تولىق ماتەريالدىق-تەحنيكالىق جانە ادىستەمەلىك قامتاماسىز ەتىلگەن IT-سىنىپتار جۇمىسىمەن تانىسادى. ال بەلگىلەنگەن مەرزىمگە دەيىن باعدارلاماسى بەكىتىلىپ, وقىتۋشىلار دايىندىقتان وتەدى.
رەسپۋبليكاداعى تسيفرلاندىرۋ باعدارلاماسى اياسىندا ءارى IT-وقىتۋ ۇدەرىسىنە تارتىلعان بالالار سانىن ارتتىرۋعا باعىتتالعان الماتىداعى العاشقى جوباعا قالا بيۋدجەتىنەن قاراجات قاراستىرىلعان.
تسيفرلاندىرۋ باعدارلاماسى اياسىندا جول كارتاسىنا سايكەس قالاداعى №54 مەكتەپ-گيمنازيا بازاسىندا IT-ليتسەي اشۋ جانە Wi-Fi مەكتەپتەرىن 100 پايىزعا دەيىن جەلىمەن جابدىقتاۋمەن قاتار, قبتۋ جانىنداعى ينجينيرينگ جانە اقپاراتتىق تەحنولوگيالار ينستيتۋتى الماتى قالاسى ءىىد ءۇشىن كريمينوگەندىك جاعدايدىڭ مونيتورينگى جۇيەسى ازىرلەنگەن (بىرىڭعاي ورتالىقتا ونلاين رەجىمىندە كريمينوگەندىك جاعدايدىڭ مونيتورينگى جانە ۆيزۋاليزاتسياسى, زاڭسىز ارەكەتتەردىڭ الدىن الۋ بويىنشا شەشىم قابىلداۋعا كومەكتەسۋ, ءوزارا بايلانىستى قىلمىستار بويىنشا جيىنتىق اقپارات ۇسىنۋ). قۇرامىنا قالانىڭ جەتەكشى يننوۆاتسيالىق كومپانيالارى كىرەتىن IT كەڭەس وتكەن جىلى الماتى قالاسى كاسىپكەرلەر پالاتاسىنىڭ بازاسىندا قۇرىلىپ, سالانى دامىتۋ, بيزنەستى, قالانى تسيفرلاندىرۋ جانە اۆتوماتتاندىرۋ باعىتىنداعى ۇسىنىستاردى ازىرلەۋدى جۇزەگە اسىرىپ كەلەدى.
الماتى