قۇقىق قورعاۋ ورگاندارى قىزمەتكەرلەرىنىڭ بىرلەسىپ جۇرگىزگەن شارالارى ناتيجەسىندە المازبەك اتامباەۆ ۇستالدى, دەپ حابارلايدى كابار اگەنتتىگى قىرعىزستان رەسپۋبليكاسى ءىىم ءباسپاسوز قىزمەتىنە سىلتەمە جاساپ. بۇل تۋرالى قازاقپارات ءتىلشىسى حابارلادى.
«2019 جىلدىڭ 8 تامىزىندا ميليتسيا قىزمەتكەرلەرى قىرعىز رەسپۋبليكاسىنىڭ مۇقك قىزمەتكەرلەرىمەن بىرلەسىپ ەرىكسىز كەلتىرۋ بويىنشا جۇرگىزگەن ءىس-شارالارى ناتيجەسىندە ا.ش.اتامباەۆ ۇستالدى», - دەلىنگەن حابارلامادا.
ءىىم-دە اتاپ وتكەندەي, تەرگەۋ-جەدەل ءىس-شارالارىن جۇرگىزۋ كەزىندە ەشكىم زارداپ شەككەن جوق.
ۇستاۋ كەزىندە ارنايى وپەراتسيا ورنىندا قىرعىز رەسپۋبليكاسىنىڭ ىشكى ىستەر ءمينيسترى كاشكار دجۋنۋشاليەۆ پەن ونىڭ ورىنباسارى ميليتسيا پولكوۆنيگى الماز وروزاليەۆ جەتەكشىلىك ەتكەن. ءىىم-دە حابارلاعانداي, اتامباەۆ قىرعىز رەسپۋبليكاسى زاڭناماسىنا سايكەس ءارى قاراي تەرگەۋ شارالارىن جۇرگىزۋ ءۇشىن سايكەس ورگاندارعا جەتكىزىلدى.