كەنشىلەر استاناسىندا قۇربان ايت كەزىندە مال سويۋعا ارنالعان ورىندار بەلگىلەندى. قالا اكىمدىگىنىڭ ءباسپاسوز قىزمەتى حابارلاعانداي, قاراعاندىدا رەزنيك, س.سەيفۋللين, رەسپۋبليكا داڭعىلى جانە ك.ماركس كوشەلەرى بويىندا ورنالاسقان, سانيتارلىق تالاپتارعا ساي كەلەتىن الاڭداردا مال سويۋعا رۇقسات بەرىلدى.
قۇربان ايت كەزىندە قازاقستان مۇسىلماندارى ءدىني باسقارماسىنىڭ قاراعاندى وبلىسى بويىنشا وكىلدىگى قالا مەشىتتەرىنىڭ اۋماعىندا تەگىن تاعامدار مەن سۋسىندار تاراتىپ, ءتۇرلى سىيلىقتار ۇيلەستىرىپ, قايىرىمدىلىق جارمەڭكەسىن ۇيىمداستىرادى. سونىمەن قاتار بۇل كۇنى ۇلتتىق ويىن تۇرلەرىنەن سپورت سايىستارى مەن مادەني-ساۋىقتىرۋ شارالارى وتەدى.
ەسكە سالساق, بيىل قۇربان ايت مەرەكەسى 11 تامىزدا باستالادى. جاعدايى جاقسى, داۋلەتتى تۇراتىن مۇسىلمان بالاسى ءۇشىن قۇربان شالۋدىڭ مىندەتتى ەكەنى بەلگىلى. نەگىزى قۇرباندىققا تۇيە, سيىر, قوي, ەشكى مالدارى شالىنادى. قۇربان بولعان جانۋاردىڭ ەتى ۇشكە ءبولىنىپ, ءبىر بولىگى مۇقتاج جاندارعا, ەكىنشىسى كورشىلەرگە نەمەسە دوس-جاران مەن تۋىستارعا تاراتىلىپ بەرىلەدى. ال ءۇشىنشى بولىگى قۇربان شالعان ادامنىڭ ءوز ۇيىندە قالادى.
قاراعاندى وبلىسى