قىرعىزستاننىڭ بۇرىنعى پرەزيدەنتى المازبەك اتامباەۆتى ۇستاۋ بويىنشا ارنايى وپەراتسيانى قىرعىزستان رەسپۋبليكاسىنىڭ ۇلتتىق قاۋىپسىزدىك كوميتەتىنىڭ (ۇقك) ارنايى ماقساتتاعى كۇشتەرى جۇرگىزەدى. بۇل تۋرالى كابار اگەنتتىگى حابارلادى.
«وپەراتسيا بارىسىندا ارنايى جاساق جاۋىنگەرلەرى قارۋ قولدانعان جوق. ولار تەك رەزەڭكە وقپەن جابدىقتالعان. قازىرگى ۋاقىتتا ۇستاۋ وپەراتسياسى جالعاسۋدا», دەلىنگەن قىرعىز رەسپۋبليكاسىنىڭ ۇلتتىق قاۋىپسىزدىك كوميتەتىنىڭ ءباسپاسوز قىزمەتىنىڭ حابارلاماسىندا.