جۇما, 15 اقپان 2013 7:57
13-14 اقپاندا «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى باۋىرجان بايبەك جۇمىس ساپارىمەن قاراعاندى وبلىسىندا بولىپ, بىرقاتار الەۋمەتتىك-تۇرمىستىق نىسانداردى ارالاپ كوردى. جۇرتشىلىق وكىلدەرىمەن اڭگىمەلەستى.
جۇما, 15 اقپان 2013 7:57
13-14 اقپاندا «نۇر وتان» حالىقتىق-دەموكراتيالىق پارتياسى توراعاسىنىڭ ءبىرىنشى ورىنباسارى باۋىرجان بايبەك جۇمىس ساپارىمەن قاراعاندى وبلىسىندا بولىپ, بىرقاتار الەۋمەتتىك-تۇرمىستىق نىسانداردى ارالاپ كوردى. جۇرتشىلىق وكىلدەرىمەن اڭگىمەلەستى.
جاۋاپتى قىزمەتكە تاعايىندالعاننان كەيىنگى وبلىس تىنىسىمەن تانىسۋعا ارنالعان ەكىنشى ساپاردىڭ العاشقى جۇمىس كۇنىندە ب.بايبەك تەمىرتاۋداعى كۇردەلى جوندەۋدەن وتۋدەگى بالالار اۋرۋحاناسىنا باردى. وسىناۋ ەمدەۋ مەكەمەسىن جاڭارتىپ, قالپىنا كەلتىرۋ جۇمىستارى جۇرگىزىلىپ جاتقانىنا ءبىرشاما ۋاقىت بولعانىمەن, ءالى اياقتالماي كەلەدى. بۇل ىسكە جاۋاپتى مەردىگەردىڭ جۇكتەلگەن مىندەتىن تيىسىنشە ورىنداماۋى سالدارىنان اۋرۋحانا بۇگىندە شەكتەۋلى جاعدايدا جۇمىس ىستەۋگە ءماجبۇر بولىپ وتىر. ورىن العان كەمشىلىكتەر «نۇر وتان» حدپ قالالىق فيليالىنىڭ پارتيالىق باقىلاۋ بويىنشا كوميسسياسى تاراپىنان انىقتالدى. وسى جونىندە ونىڭ ءتورايىمى گۇلناز مۋسينا جان-جاقتى باياندادى.
ب.بايبەك پارتيانىڭ قالالىق ماسليحاتتاعى «نۇر وتاننىڭ» دەپۋتاتتىق فراكتسياسىنا اتالعان ماسەلەگە ەرەكشە نازار اۋدارىپ, نىسانداعى جوندەۋ جۇمىستارىنىڭ جىل سوڭىنا دەيىن قارجىلاندىرىلۋىن قاراستىرۋدى تاپسىردى.
بۇدان كەيىن ب. بايبەك تۇڭعىش پرەزيدەنتتىڭ تاريحي-مادەني ورتالىعىندا وبلىستىق جاستار ۇيىمدارى بەلسەندىلەرىمەن, مەكتەپ وقۋشىلارىمەن كەزدەستى. جاس بۋىنمەن ەمەن-جارقىن اڭگىمە قوزعالىپ, مەملەكەت تاراپىنان جارقىن بولاشاقتارىنا بارلىق جاعداي جاسالىپ وتىرعانى, وسى قامقورلىق قادىرىن ءتۇسىنىپ, باعالاي ءبىلۋ جايى ءسوز ەتىلدى. تەمىرتاۋدىڭ ەلباسى ەڭبەك جولىن باستاپ, شىڭدالۋ مەكتەبىنەن وتكەن ورتا ەكەنى اتالا كەلىپ, جاڭا بۋىننىڭ ءبىلىمى مەن تاجىربيەسىنە ۇلكەن ۇلگى بولارلىق ۇدەرىستەردى دامىتۋ كەرەكتىگى ايتىلدى.
تەمىرتاۋدان سوڭ ساپار اباي قالاسىندا جالعاستى. مۇندا «نۇر وتان» حدپ توراعاسى ءبىرىنشى ورىنباسارىنىڭ كەلەتىنىن كۇنى بۇرىن ەستىگەن جۇرت سوڭعى ۋاقىتتا جوندەلگەن ۇيلەر الدىندا كۇتىپ تۇرعان ەدى. ولارمەن «تۇرعىن ءۇي-كوممۋنالدىق شارۋاشىلىعىن جاڭعىرتۋ» باعدارلاماسى تۋرالى وي-پىكىرلەر الماسىلدى. سول ارقىلى تۇرعىنداردىڭ ءوزدەرى تۇراتىن مەكەن-جايلاردى, اۋلالاردى كوركەيتىپ, اباتتاندىرۋىنا مۇمكىندىك كەڭدىگى ەسكە سالىندى.
جينالعاندار شاھاردىڭ مونوقالالاردى دامىتۋ باعدارلاماسىنا ەنگىزىلۋىنە ريزالىق ءبىلدىرىپ, بۇل رەتتە اتقارىلۋعا ءتيىستى ءىس-شارالار جونىندە بىرقاتار ساۋالدار قويدى. سۇراقتارعا تولىمدى جاۋاپ بەرىلىپ, بۇل شارانىڭ ءمان-ماڭىزى ءتۇسىندىرىلدى. ءسوز كەزەگىندە وبلىس اكىمى باۋىرجان ابدىشەۆ اتالعان باعدارلاما اياسىندا قالانىڭ كەلەشەگى كەمەلدەنە تۇسەتىندىگىن, قازىر بوس تۇرعان ەسكى ۇيلەر ورنىنا جاڭا تۇرعىن جايلار سالىناتىندىعىن, ءوندىرىس ورىندارى اشىلىپ, جاستاردىڭ ەڭبەككە قامتىلۋىنا ودان سايىن جول اشىلاتىندىعىن بايانداپ بەردى.
بۇل كەزدەسۋدەن كەيىن ب. بايبەك اباي اۋدانى اكىمىنىڭ حالىق الدىنداعى ەسەپ بەرۋ جينالىسىنا قاتىستى.
جۇمىس ساپارىنىڭ ەكىنشى كۇنىندە ب.بايبەك «نۇر وتان» حالىقتىق-دەموكراتيالىق پارتياسى وبلىستىق فيليالىنىڭ كەزەكتەن تىس 17 كونفەرەنتسياسىنا قاتىسىپ, فيليال توراعالىعىنا ايماق باسشىلىعىنا جاڭادان تاعايىندالعان باۋىرجان ءابدىشەۆتىڭ كانديداتۋراسى ۇيعارىلعانىن جەتكىزدى. دەلەگاتتار ۇسىنىستى قولداپ, ءبىراۋىزدان داۋىس بەردى.
كونفەرەنتسياعا قاتىسۋشىلار الدىندا سويلەگەن سوزىندە ب.بايبەك پارتيا جۇمىسىنىڭ تاياۋ اراداعى نەگىزگى باسىمدىقتارىن, وڭىرلەردەگى ءىس-قىزمەتىن كۇشەيتۋ, قوعامنىڭ بيلىككە سەنىمىن ارتتىرۋ, مەملەكەتتىك باعدارلامالاردىڭ جۇزەگە اسىرىلۋىن باقىلاۋ جانە جاستارمەن جۇمىس جاساۋدى نىعايتۋ قاجەتتىگىن اتاپ كورسەتتى. سونىمەن بىرگە, جەرگىلىكتى ءماسليحاتتارداعى «نۇر وتان» پارتياسىنىڭ دەپۋتاتتىق فراكتسيالارى سايلاۋالدى باعدارلامانىڭ ورىندالۋىن باقىلاۋعا الىپ, بۇل جايتتى ۇدايى باستى نازاردا ۇستاۋى كەرەكتىگىن قاپەرگە سالدى. الداعى ۋاقىتتا بارلىق وڭىرلەردە وتكىزىلەتىن اۋىل اكىمدەرىنىڭ سايلاۋىندا پارتيانىڭ دەپۋتاتتارى ماڭىزدى ءرول اتقاراتىندىعى اتالدى.
باۋىرجان قادىرعالي ۇلى سونداي-اق جەمقورلىققا قارسى كۇرەستى كۇشەيتۋ, پارتيا مۇشەلەرى جاۋاپكەرشىلىگىن كوتەرۋ, پارتيالىق تارتىپتىلىككە تازا بولۋدى قالىپتاستىرۋ, پارتيالىق باقىلاۋدىڭ ءپارمەندىلىگىن ارتتىرۋ ماسەلەلەرىنە ەرەكشە ءمان بەرىلۋى كەرەكتىگىن ءسوز ەتتى. دامۋ مەن جاڭعىرۋدىڭ جاڭا جولىنداعى ەلىمىزدىڭ الدىنا قويىلعان مىندەتتەردى, ەلباسىنىڭ تاپسىرمالارىن تىندىرىمدى, مۇلتىكسىز ورىنداۋدا نۇروتاندىقتاردىڭ باستاماشىل, تالاپشىل, ەڭبەكشىل بولۋى, قوعامدىق ءومىردىڭ الدىڭعى شەبىنەن تابىلۋى ءتيىس ەكەندىگى قاداپ ايتىلدى.
ايقىن نەسىپباي,
«ەگەمەن قازاقستان».
قاراعاندى.