ىلە الاتاۋ ۇلتتىق تابيعي پاركى ەلەكتروندى فورماتقا كوشپەك

قازىرگى تاڭدا ەكولوگيالىق بەكەتتە 10 ينسپەكتور قىزمەت ەتەدى. ال دەمالىس ورنىنا جۇمىس كۇندەرى 200 دەمالۋشى كەلسە, سەنبى مەن جەكسەنبى كۇنى ولاردىڭ قاتارى 6 ەسەگە بىراق ارتادى ەكەن. تولەم جاساۋ تۇرعىسىندا ستۋدەنتتەرگە, زەينەتكەرلەرگە, مەكتەپكە دەيىنگى جاستاعى بالالارعا جەڭىلدىكتەر بار. تەك, مۇمكىندىگى شەكتەۋلى ازاماتتار اقىسىز كىرە الادى.

 بىلتىر بۇل تاۋ بوكتەرىنە 120 مىڭ دەمالۋشى كەلىپ, بەكەتتەگى باقىلاۋشىلارعا 52 ملن تەڭگە تولەگەن.

«ماسەلەن بەر جاعىنان ءبىزدىڭ تۋريستىك سۇرلەۋ جولىن قولداناتىندار بولسا, ول 452 تەڭگە 50 تيىن بولادى. ەگەر ول قولدانباي كافە, مەيرامحانادان تاۋ-سپادان قايتاتىن بولسا, 252 تيىن 50 تيىننان بولادى. سونىڭ ءبارىن سۇراپ حالىقتان سولاي جىبەرەمىز», دەدى ىلە-الاتاۋ مەملەكەتتىك ۇلتتىق تابيعي پاركىنىڭ ينسپەكتورى قايىرجان جىلقىباەۆ.

بۇل قولما-قول تولەم وسى تامىز ايىندا توقتاتىلىپ, ەلەكتروندى فورماتقا كوشۋ كەرەك بولاتىن. قالا اكىمى باقىتجان ساعىنتاەۆ جۇمىس ساپارى بارىسىندا وسىنداي تاپسىرما بەرگەن ەدى. الايدا ەكولوگيالىق بەكەت اۆتوماتتاندىرىلعان جۇيەگە كوشۋگە ءالى اسىعار ەمەس.

«بۇل اڭگىمەنى ۇلتتىق پارك 2010 جىلدان بەرى قوزعاپ كەلە جاتىر. بىراق وكىنىشكە وراي بۇل جۇيەنى ەنگىزۋ كىشكەنە قيىندىقتار تۋدىردى. نەگە دەسەڭىز, ويتكەنى مىسالى قازىر اۋەجايعا باراتىن بولساق, الماتى قالاسىنا كىرۋ جۇيەسى وتە وڭاي جاسالعان. ول جەردە سەبەبى ءار كولىك باسىنان الىنادى. ال ول ءۇشىن بىزگە دە بۇدان بىلاي كولىك ەمەس, ادام سانىن ەسەپتەۋ كەرەك», دەدى ىلە-الاتاۋ مەملەكەتتىك ۇلتتىق تابيعي پاركى ەكولوگيالىق اعارتۋ جانە تۋريزم ءبولىمىنىڭ باسشىسى تىلەك ءادىلجانوۆ.

ازىرگە تەك ەكى تەرمينال ورناتىلعانىمەن ءالى ىسكە قوسىلماعان. ودان بولەك, «وڭاي» تولەم كارتالارى ارقىلى تولەۋ مۇمكىندىگى جاسالۋى ءتيىس. بۇل – كولەڭكەلى اقشا اۋدارىمدارىنا توسقاۋىل بولماق.

«400 تەڭگەدەن الاتىن ادام باسىنا. جاز جىلىنا ءبىر-اق مارتە كەلەدى. سوندىقتان جىلىنا ءبىر رەت شىعىپ دەمالۋ ءۇشىن ول قىمبات ەمەس», دەدى ءبىر تۇرعىن.

بىلتىر بۇل تاۋ بوكتەرىنە 120 مىڭ دەمالۋشى كەلىپتى. ولار دەمالىس ورنىنا كىرگەنى ءۇشىن بەكەتتەگى باقىلاۋشىلارعا 52 ملن تەڭگە تولەگەن.

الماتى