جۇما, 1 اقپان 2013 7:19
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ القا وتىرىسى ءوتىپ, وندا ۆەدومستۆونىڭ 2012 جىلعى جۇمىسى قورىتىندىلاندى. وتىرىسقا پرەزيدەنت اكىمشىلىگى قۇقىق قورعاۋ جۇيەسى ءبولىمىنىڭ مەڭگەرۋشىسى ا.شپەكباەۆ جانە «نۇر وتان» حدپ پارتيالىق باقىلاۋ كوميتەتىنىڭ توراعاسى ب.راحىمبەكوۆ جانە اگەنتتىكتىڭ ورتالىق اپپاراتى مەن اۋماقتىق بولىمشەلەرىنىڭ باسشىلىق قۇرامى قاتىستى.
جۇما, 1 اقپان 2013 7:19
كەشە ەكونوميكالىق قىلمىسقا جانە سىبايلاس جەمقورلىققا قارسى كۇرەس اگەنتتىگىنىڭ القا وتىرىسى ءوتىپ, وندا ۆەدومستۆونىڭ 2012 جىلعى جۇمىسى قورىتىندىلاندى. وتىرىسقا پرەزيدەنت اكىمشىلىگى قۇقىق قورعاۋ جۇيەسى ءبولىمىنىڭ مەڭگەرۋشىسى ا.شپەكباەۆ جانە «نۇر وتان» حدپ پارتيالىق باقىلاۋ كوميتەتىنىڭ توراعاسى ب.راحىمبەكوۆ جانە اگەنتتىكتىڭ ورتالىق اپپاراتى مەن اۋماقتىق بولىمشەلەرىنىڭ باسشىلىق قۇرامى قاتىستى.
وتكەن جىلدىڭ باسىنان قارجى پوليتسياسى ورگاندارىنىڭ جۇمىسى جاڭا باسىمدىقتار نەگىزىندە ۇيىمداستىرىلعان بولاتىن, ساندىق كورسەتكىشتەردەن ساپالىق ناتيجەلەرگە اۋىسۋ ءجۇزەگە اسىرىلدى. نەگىزگى نازار جۇيەلى سىبايلاس جەمقورلىق فاكتىلەرىن انىقتاۋ مەن ەلدەگى كولەڭكەلى ەكونوميكا دەڭگەيىن تومەندەتۋگە اۋدارىلدى.
سىبايلاس جەمقورلىق قىلمىس جاساعانى ءۇشىن 1600-دەن اسا لاۋازىمدى تۇلعا قىلمىستىق جاۋاپكەرشىلىككە تارتىلدى, ولاردىڭ 450-ءى رەسپۋبليكالىق جانە وبلىستىق دەڭگەيدەگىلەر, 1200-ءى قالالىق جانە اۋداندىق. بۇل ورايدا اگەنتتىك توراعاسى قارجى پوليتسياسىنا ءتان ەمەس جالپى سيپاتتاعى قىلمىستاردى انىقتاۋ تومەندەتىلگەنىن اتاپ ءوتتى. ەگەر 2011 جىلى ولاردىڭ ۇلەسى ءبىز انىقتاعان قىلمىستاردىڭ جارتىسىن قۇراسا, 2012 جىلى اشىلعان قىلمىستاردىڭ 75 پايىزىن سىبايلاس جەمقورلىق جانە ەكونوميكالىق قىلمىس فاكتىلەرى قۇراپ وتىر, – دەدى.
پروفيلاكتيكالىق جۇمىس كۇشەيتىلدى. باسىمدىقتار قىلمىستار مەن قۇقىق بۇزۋشىلىقتاردىڭ باستاپقى كەزەڭدەرىندە الدىن الۋعا اۋىستىرىلدى. ول ءۇشىن اگەنتتىكتە اقپاراتتىق رەسۋرستاردى قولدانۋ جولىمەن ەلدەگى كريمينوگەندىك جاعدايدى تالداپ وتىراتىن مامانداندىرىلعان سيتۋاتسيالىق ورتالىق قۇرىلدى.
القا وتىرىسىن قورىتىندىلاي كەلە, اگەنتتىك توراعاسى قۇقىق قورعاۋ ورگاندارىنىڭ باسشىلارىمەن بولعان كەزدەسۋىندە ەلباسىنىڭ ايتقان تاپسىرمالارىنا وراي ۆەدومستۆونىڭ الداعى ۋاقىتتاعى جۇمىس باسىمدىقتارىن انىقتادى.
«ەگەمەن-اقپارات».