ەلوردانىڭ تەمىر جول ۆوكزالىنان «تۋعان ەلگە ساياحات» بالالار تۋريستىك پويىز» جوباسىنىڭ ءۇشىنشى ماۋسىمىنىڭ قاتىسۋشىلارى ساپارعا اتتاندى. توعىز كۇندىك تاماشا ساياحاتقا اتتانباس بۇرىن بالالار ەلوردانىڭ كورىكتى جەرلەرىمەن سەرۋەندەپ, قالانىڭ ساۋلەت ونەرىن تاماشالاپ, «ەكسپو-2017» كورمەسىنە ەكسكۋرسيا جاسادى.
جوبانىڭ وتكەن ەكى ساپارىنداعى قاتىسۋشىلار سياقتى وسى جولى دا بالالاردىڭ كوبى ەلورداعا العاش رەت كەلىپ تۇرعاندارىن اتاپ وتكەن ءجون. بالالار بارلىعى ءبىرىنشى كۇننەن-اق العان اسەرلەرىمەن بولىسۋدە. بالتوبە توحتامۇرات, مونعوليادان كەلگەن 12 جاسار قاتىسۋشى: ء«بىز بۇگىن ەكسپو كەشەنىنە باردىق, بايتەرەك مونۋمەنتىن تاماشالادىق. بۇل مەنىڭ نۇر-سۇلتان قالاسىنا ەكىنشى رەت كەلۋىم, بىراق مەن كەلگەن سايىن وزىمە جاڭالىق اشامىن. ماعان بارىنەن بۇرىن بالالارمەن تانىسقان, سونىمەن قاتار, ءبىزدىڭ ۇلكەن ەكى قاباتتى اۆتوبۋستا سەرۋەندەگەنىمىز قاتتى ۇنادى. مەن قازاقستاننىڭ باسقا قالالارىندا بولعان ەمەسپىن, بىراق بارىنەن بۇرىن بايقوڭىر قالاسىن كورگىم كەلەدى, ويتكەنى وندا عارىش ايلاعى بار جانە كوپتەگەن تاريحي ەسكەرتكىشتەرگە تولى تۇركىستان قالاسىن كورگىم كەلەدى»
جوبانىڭ ءار قاتىسۋشىسى الداعى ساياحاتتان كوپتەگەن قىزىقتى دۇنيەلەردى كۇتىپ, ءوز ەلىنىڭ كورىكتى جەرلەرىن باعىندىرۋعا دايىن. اقتوبە وبلىسى, شالقاردان كەلگەن جانبولاتوۆا اقبوتا ءوزىنىڭ بۇل جوباعا قالاي كەلگەنىن ايتىپ بەردى: «مەن جوبا تۋرالى ينستاگرام الەۋمەتتىك جەلىسىنەن ءبىلىپ, شىعارما جازىپ, بەينەروليك ءتۇسىرىپ جولدادىم. ءبىز انامىز ەكەۋىمىز بايقاۋ ناتيجەلەرىن قاتتى كۇتتىك, ال جەڭگەنىمدى بىلگەندە وتە قاتتى قۋاندىم. مەن قازاقستاندى جاقسى كورەمىن, بۇل ساياحاتتى سول سەبەپتى اسىعا كۇتتىم. مەن ەلىمىزدىڭ كوپتەگەن كورىكتى جەرلەرىن ارالايتىنىمىزدى بىلەمىن, اسىرەسە تاۋلاردى قاتتى كورىم كەلەدى. قاتىسۋشىلار وتە كوپپىز, بىزگە بىرگە كوڭىل كوتەرگەن قىزىق, ءتۇرلى قالالاردان جاڭا دوستار تاپقانىما وتە قۋانىشتىمىن. مەنىڭ ويىمشا بۇل ساپارىمىز قىزىققا تولى بولادى. ءبىز ءتىپتى وسى ۋاقىت ىشىندە بي ۇيرەنىپ ۇلگەردىك. تاربيەشىلەرىمىزدى قاتتى جاقسى كورىپ كەتتىم, ولارمەن بي بيلەپ, سۋرەت سالامىز, ويىن وينايمىز. ءارى قاراي نە بولاتىنى وتە قىزىق».
پويىزدا بالالارمەن بىرگە تاربيەشىلەر مەن جاتتىقتىرۋشىلار بولادى, ولار كۇن سايىن بالالارعا ارنالعان ويىن-ساۋىقتىق جانە سپورتتىق ترەنينگتەر وتكىزەدى. وسىنداي قانىق باعدارلامامەن قامتىلعان پويىز قالادان قالاعا جولعا شىعىپ وتىرادى. بالالار تۋريستىك پويىزىنىڭ باعدارلاماسىنا نۇر-سۇلتان, تاراز, بالقاش, بايقوڭىر جانە الماتى سياقتى قالالاردى ارالاۋ كىرەدى.
تاربيەشى-حورەوگراف ومىربەكوۆ مارات الداعى ءۇشىنشى ماۋسىمنان كۇتەتىن بولجامدارىمەن ءبولىستى: «مىنەكەي ءبىز سوڭعى ءۇشىنشى ساپاردى دا باستاعالى جاتىرمىز. شىنىمدى ايتسام, جوبا اياقتالعالى جاتقانى ءسال وكىنىشتى دە. وتكەن ەكى ساپار وتە كەرەمەت بولدى. ءۇشىنشى ساپار ودان دا قىزىقتى بولادى دەپ كۇتىلۋدە. ءبىز بالالارعا قىزىقتى باعدارلاما, فلەشموب جانە شۋماقتى ۇراندار دايىندادىق. ءار وتريادتىڭ وزىندىك ەرەكشەلىگى بار: بىرەۋ ءان ايتسا, بىرەۋ ولەڭ وقيدى, ەندى بىرەۋ سۋرەت جاقسى سالادى. وسىلايشا ساپار بارىسىندا بالالاردىڭ ءبىر-بىرىنە تالانتتارى مەن ونەرلەرىن كورسەتۋگە جاعداي جاساۋعا تىرىسامىز. مەن وسى ماۋسىمدا كوپتەگەن بالالاردىڭ شالعاي ەلدى-مەكەندەردەن ەلورداعا العاش كەلگەندەرىن بايقادىم, ولاردىڭ كوتەرىڭكى كوڭىلدەرى مەن جارقىن ەموتسيالارى وسىعان دا بايلانىستى دەپ ويلايمىن. التايدان, مونعوليادان جانە بەلورۋسيادان كەلگەن قاتىسۋشىلاردىڭ ءوز قۇرداستارىمەن انا تىلىندە ەركىن سويلەۋلەرى ءبىزدى قاتتى تاڭقالدىردى».
پويىز نۇر-Cۇلتان قالاسىنا 9 تامىز ورالاتىن بولادى. جالپى «تۋعان ەلگە ساياحات» بالالار تۋريستىك پويىز» جوباسى قازاقستاننىڭ تۇكپىر-تۇكپىرى مەن شەتەلدەن كەلگەن 600 بالاعا ەلىمىزدىڭ ەڭ كورىكتى جەرلەرىن ارالاپ, تاماشالاۋ مۇمكىندىگىن بەرەدى.
جازدىڭ باسىنان باستاپ بالالار تۋريستىك پويىزى ءوزىنىڭ ەكى ساپارىن اياقتادى, وندا قازاقستاننىڭ تۇكپىر-تۇكپىرىنەن 400 بالا جانە كورشى ەلدەردەگى قازاق دياسپوراسىنىڭ بالالارى ەلىمىزدىڭ ەڭ كورىكتى جەرلەرىن كورىپ, جاڭا وقۋ جىلىنا كەرەمەت اسەرلەرمەن قانىقتى.
ەستەرىڭىزگە سالا كەتسەك, 1 ماۋسىم حالىقارالىق بالالاردى قورعاۋ كۇنى «تۋعان ەلگە ساياحات» بالالار تۋريستىك پويىزى» جوباسىنىڭ العاشقى ماۋسىمى باستالعان بولاتىن. 1 شىلدە جوبا اياسىنداعى ەكىنشى ماۋسىم باستالدى. بارلىعى 2019 جىلدىڭ جاز ايىنا ءۇش ساپار جوسپارلانعان – سوڭعى ساياحات 1 تامىز باستالادى. جوبا بالالاردىڭ جان-جاقتى دامۋىنا, قورشاعان الەمگە قىزىعۋشىلىعىن ارتتىرۋعا, ەلدىڭ تاريحي جانە ساۋلەت ەسكەرتكىشتەرىمەن تانىسىپ, ءپاتريوتيزمدى نىعايتۋعا باعىتتالعان. جالپى 2019 جىلعى ماۋسىمنىڭ جوبا قاتىسۋشىلارى 600 بالانى قۇرايدى: «سامۇرىق-قازىنا» اق شالعاي وڭىرلەردە ورنالاسقان, كوپبالالى جانە تولىق ەمەس وتباسىندا تاربيەلەنىپ جاتقان, وقۋ ۇلگەرىمى جاقسى وندىرىستىك كاسىپورىندارى مەن زاۋىت جۇمىسشىلارىنىڭ 500 بالاسى, «وتانداستار قورى» كەاق-مەن سەرىكتەستىك نەگىزىندە شەت مەملەكەتتەردەن كەلگەن قازاق دياسپوراسىنىڭ وكىلدەرىنەن 50 بالا جانە شىعارماشىلىق بايقاۋ قورىتىندىسى بويىنشا قازاقستان بويىنشا انىقتالعان جەڭىمپاز 50 بالا كىرەدى.
جوبانى «قازاقستان تەمىر جولى» ۇق» اق جانىنداعى الەۋمەتتىك جوبالار قورى «Samruk-Kazyna Trust» الەۋمەتتىك جوبالاردى دامىتۋ قورىمەن بىرگە جۇزەگە اسىرىپ جاتىر