ورال قالاسىنداعى قادىر مىرزا ءالي اتىنداعى مادەنيەت جانە ونەر ورتالىعىندا اتىراۋلىق ولكەتانۋشى يسلام قاجى مىرزابەك ۇلى قۇراستىرعان «ابىلقايىر حان جانە بوپاي حانىم» اتتى كىتاپتىڭ تانىستىرىلىمى بولدى.
كىشى ءجۇزدىڭ ۇلى حانى, ءحVىىى عاسىردا جوڭعارعا قارسى قازاق قولىنىڭ باس قولباسشىسى ابىلقايىر حان مەن ونىڭ جۇبايى, قوعامدىق-ساياسي وقيعالارعا دا قاتىسقان قايراتكەر بوپاي ء(باتيما) حانىم سۇيىندىكقىزىنىڭ دۇنيەگە كەلگەنىنە 325 جىل تولۋىنا ارناپ شىعارىلعان كىتاپتا حان مەن ونىڭ ۇرپاقتارى تۋرالى ماقالالار حرونولوگيالىق رەتپەن ورنالاستىرىلعان. جيناققا العىسوز جازعان تاريح عىلىمدارىنىڭ دوكتورى, پروفەسسور ابىلسەيىت مۇقتار: «بۇل جيناق بوپاي انانى ۇلىقتاعان العاشقى ەڭبەك. بوپاي حانىم ءحVىىى عاسىردان كەيىنگى بارشا قازاق انالارىنا ۇلگى بولعان تۇلعا. ويتكەنى بوپاي انا وتكەن تاريحىمىزداعى ءوز ەلىنە باسا-كوكتەپ كىرگەن پارسى بيلەۋشىسى كيردى ويسىراتا جەڭگەن ۇلى ساق حانشايىمى تۇماردىڭ, مەملەكەت مۇددەسىن, حالقىنىڭ بولاشاعىن جەكە باسىنان جوعارى قويعان ساق قىزى زارينانىڭ, سايىن دالا شەجىرەسىندە ءىز قالدىرعان دومالاق انا, بايان سۇلۋ, قۇرتقا, اقجۇنىس, قىز جىبەكتەردىڭ جالعاسى ەدى» دەيدى.
ورالدا وتكەن تۇساۋكەسەردە تاريح عىلىمدارىنىڭ كانديداتى جاڭابەك جاقسىعاليەۆ ابىلقايىر حان تۇلعاسى جونىندە قالىپتاسقان كەيبىر پىكىرلەردىڭ جاڭساقتىعىنا توقتالىپ, اتالعان ەڭبەكتىڭ وتاندىق تاريح عىلىمىنداعى اقتاڭداقتاردىڭ ورنىن تولتىراتىنىن ايتتى. قادىر مىرزا ءالي اتىنداعى مادەنيەت جانە ونەر ورتالىعىنىڭ ديرەكتورى باۋىرجان حاليوللا جيناقتى قۇراستىرۋشى يسلام قاجى مىرزابەك ۇلىنىڭ بۇعان دەيىن 17 كىتاپ قۇراستىرىپ, ولكەتانۋ عىلىمىنا زور ۇلەس قوسقان اۆتوردىڭ ەڭبەگىن جينالعان قاۋىمعا تانىستىرىپ ءوتتى. باتىس قازاقستان وبلىستىق تاريح جانە ارحەولوگيا ورتالىعىنىڭ ديرەكتورى جانتاس سافۋللين, الاشتانۋشى, تاريح عىلىمدارىنىڭ كانديداتى دامەتكەن سۇلەيمەنوۆا جانە باسقالارى جاڭا كىتاپتىڭ قۇندىلىعىن ءبىراۋىزدان ماقۇلدادى.
كەزدەسۋ سوڭىندا جيناق اۆتورى كىتاپتىڭ بىرنەشە داناسىن ورال قالاسىنداعى كىتاپحانا بولىمشەلەرىنە تارتۋ ەتتى.
باتىس قازاقستان