سارسەنبى, 16 قاڭتار 2013 7:35
سولتۇستىكقازاقستاندىق جاستار دا ەلباسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىن ۇلكەن قۇلشىنىسپەن قارسى الىپ, بەلگىلەنگەن تالاپتاردى جۇزەگە اسىرۋعا لايىقتى ۇلەس قوسۋدى سەرت ەتىپ وتىر. بۇگىندە قىزىلجار وڭىرىندە 57-گە جۋىق جاستار ۇيىمى جۇمىس ىستەپ, قوعامدىق-ساياسي ىستەرگە, جاستار ساياساتىن جۇزەگە اسىرۋعا بەلسەندى اتسالىسىپ كەلەدى. ولار جاستار ومىرىنە قاتىستى ءىس-شارالاردان شەت قالعان ەمەس. «ديپلوممەن – اۋىلعا!», «جاستار پراكتيكاسى», «جاستاردىڭ كادرلىق رەزەرۆى» سەكىلدى باعدارلامالار ۇلكەن قولداۋعا يە. بيىل 700-دەن استام جاس ءوندىرىس ورىندارىندا تاجىريبەدەن ءوتتى. 1200 جاس ەڭبەك بيرجالارىندا ەڭبەك ەتتى. 500-دەي جاس مامان اۋىلدارعا ورنالاستى.
سارسەنبى, 16 قاڭتار 2013 7:35
سولتۇستىكقازاقستاندىق جاستار دا ەلباسى نۇرسۇلتان نازارباەۆتىڭ «قازاقستان-2050» ستراتەگياسى – قالىپتاسقان مەملەكەتتىڭ جاڭا ساياسي باعىتى» جولداۋىن ۇلكەن قۇلشىنىسپەن قارسى الىپ, بەلگىلەنگەن تالاپتاردى جۇزەگە اسىرۋعا لايىقتى ۇلەس قوسۋدى سەرت ەتىپ وتىر. بۇگىندە قىزىلجار وڭىرىندە 57-گە جۋىق جاستار ۇيىمى جۇمىس ىستەپ, قوعامدىق-ساياسي ىستەرگە, جاستار ساياساتىن جۇزەگە اسىرۋعا بەلسەندى اتسالىسىپ كەلەدى. ولار جاستار ومىرىنە قاتىستى ءىس-شارالاردان شەت قالعان ەمەس. «ديپلوممەن – اۋىلعا!», «جاستار پراكتيكاسى», «جاستاردىڭ كادرلىق رەزەرۆى» سەكىلدى باعدارلامالار ۇلكەن قولداۋعا يە. بيىل 700-دەن استام جاس ءوندىرىس ورىندارىندا تاجىريبەدەن ءوتتى. 1200 جاس ەڭبەك بيرجالارىندا ەڭبەك ەتتى. 500-دەي جاس مامان اۋىلدارعا ورنالاستى. 170 جاس «جاسىل ەل» باعدارلاماسىنا تارتىلدى.
وسىنداي ومىرلىك ماڭىزدى شارالاردىڭ باسى-قاسىنان «جاس وتان» جاستار قاناتى جەرگىلىكتى فيليالىن ءجيى كورۋگە بولادى. ونىڭ ۇيىمداستىرۋىمەن جانە جاس كاسىپكەرلەردىڭ, ۇكىمەتتىك ەمەس ۇيىمدار وكىلدەرىنىڭ, ءتۇرلى بىرلەستىكتەر مۇشەلەرىنىڭ قاتىسۋىمەن وتكەن جيىندا ەلىمىزدىڭ جاڭا ساياسي باعىتىن بەلگىلەپ بەرگەن ستراتەگيالىق قۇجات جان-جاقتى تالقىلانىپ, جاس بۋىننىڭ ءرولى مەن ورنى ايقىندالدى.
باسقوسۋدى فيليالدىڭ اتقارۋشى حاتشىسى سامات جاكەنوۆ كىرىسپە سوزبەن اشىپ, پرەزيدەنت كەزەكتى جولداۋىندا كەيىنگى تولقىن جاستارعا ءسوز ارناپ, بارلىق جاقسىلىق اتاۋلى سولار ءۇشىن جاسالىپ جاتقانىن اتاپ ءوتتى. ءبىز سياقتى قازاق ەلىنىڭ پەرزەنتتەرىنە ۇلكەن سەنىم ارتىپ, ازات ويلارىمىز بەن كەمەل بىلىمدەرىمىزدى تىڭ ماقساتتارعا جۇمساۋعا ارناۋعا شاقىردى, دەي كەلىپ, بيىك مەجەلەر ۇدەسىنەن كورىنۋگە بارلىق كۇش-جىگەردى جۇمسايتىندارىنا سەنىم ءبىلدىردى.
جارىسسوزگە شىققاندار جولداۋدا ايتىلعان باستى ءمىندەتتەر توڭىرەگىندە وي قوزعاپ, ءتۇسىندىرۋ جۇمىستارىنا بارلىق قوعامدىق ۇيىمدارمەن بىرلەسە اتسالىسۋ قاجەتتىگىن اتاپ كورسەتتى.
ءومىر ەسقالي,
«ەگەمەن قازاقستان».
سولتۇستىك قازاقستان وبلىسى.