وندا ءۇي ماڭىن كورىكتەندىرۋ مەن جارىقتاندىرۋ جۇمىستارى تۋرالى تولىق اقپارات ەنگىزىلمەك. ياعني, كارتاداعى قاي اۋلانىڭ قاشان جوندەلەتىنى تۋرالى حاباردى تۇرعىندار وزدەرى ءبىلىپ وتىرۋلارى قاجەت. بۇل تۋرالى الماتى اكىمشىلىگىنىڭ ءباسپاسوز قىزمەتى حابارلادى.
وندا جارىعى جوق اۋلالاردىڭ دا ءتىزىمى بولادى. سەبەبى, قاۋىپسىزدىك ماسەلەسى ءبىرىنشى ورىندا. ءتيىستى تاپسىرمانى باقىتجان ساعىنتاەۆ جۇكتەدى.
اكىم ءوز كەزەگىندە حالىقتان پاتەر يەلەرى كووپەراتيۆتەرىنىڭ جۇمىسىنا قاتىستى شاعىمنىڭ كوپ ەكەنىن العا تارتتى. سول سەبەپتى پيك جۇمىسىن دا جۇيەلەپ, ەڭ ۇزدىك ۇيىمنىڭ تاجىريبەسىن كوپكە ۇلگى ەتۋدى تاپسىردى. سونداي-اق تۇرعىندار دا ءوز م ۇلىكتەرىنە نەمقۇرايلى قاراماي, پاتەر يەلەرى كووپەراتيۆتەرىمەن قويان-قولتىق جۇمىس ىستەۋى قاجەت ەكەنىن ايتتى.
بۇدان بولەك جيىندا تۇرعىن ءۇي ماسەلەسى ءسوز بولدى.
بۇگىندە الماتىدا 24 مىڭنان استام ادام ءۇي كەزەگىندە تۇر. ولاردىڭ 2000-عا جۋىعى كوپبالالى وتباسى, 1700-ءى جەتىم بالالار جانە 11 مىڭ ادام الەۋمەتتىك وسال توپتان. قالادا حالىقتى تۇرعىن ۇيمەن قامتۋ ءۇشىن بىرقاتار باعدارلامالر جۇزەگە اسۋدا. بيىل شاھاردا 2,500 مىڭ پاتەر بەرىلەدى دەپ جوسپارلانعان.
الماتى