الماتى مەن شىمكەنت قالاسىنىڭ تۇرعىندارى ەندى ياندەكس كارتالارى ارقىلى ۆەلوسيپەدپەن سەرۋەندەۋدى جوسپارلاي الادى. باعدارلاردى سايتتا نەمەسە iOS جانە Android قۇرىلعىلارىنا ارنالعان قوسىمشادا قۇرۋعا بولادى.
ياندەكس كارتالارى ۆەلوسيپەدپەن ءجۇرۋ ءۇشىن قولايلى جولدار بويىنشا باعدارلاردى بەلگىلەيدى. بۇل – ۆەلوجولدار, پاركتەردەگى سوقپاقتار جانە كولىك كوپ ەمەس جول بولىكتەرى. مىسالى, «بايقوڭىر» مەتروستانساسىنان سايرانعا دەيىن بارعىسى كەلەتىن الماتىلىق ۆەلوسيپەدشىگە سەرۆيس اباي داڭعىلى ەمەس, شەۆچەنكو جانە شاكارىم كوشەلەرىمەن جۇرۋگە كەڭەس بەرەدى.
باعداردى قۇرۋ كەزىندە جول كەسكىنى پايدالانىلادى. بۇل قالا جولدارىنىڭ تورى. ءار جول ۋچاسكەسى ءۇشىن وندا ۆەلوسيپەدپەن جۇرۋگە بولاتىنى نە بولمايتىنى كورسەتىلگەن. جوباعا ۆەلوسيپەد وقيعالارى كلۋبىنىڭ نەگىزىن قالاۋشى الەكساندر گابچەنكو جانە AlmatyBike قاۋىمداستىعىنىڭ نەگىزىن قالاۋشى انۋار دجۋسۋپوۆ ۇلكەن كومەك كورسەتتى. ولار كارتالاردى رەداكتسيالاۋعا ۆەلوسيپەدشىلەردى شاقىرىپ, ياندەكس.كارتالار كومانداسىنا كەڭەس بەرگەن ەكەن.
«ۆەلوسيپەد كولىگىنىڭ دامۋى – الەمدىك ترەند. قازاقستاننىڭ ءىرى قالالارىندا دا ۆەلوجولدار مەن ۆەلوجارىس ورىندارى پايدا بولۋدا. ۆەلوسيپەد قوزعالۋدىڭ نەعۇرلىم تانىمال تۇرىنە اينالدى. دەمەك, ناۆيگاتسيا قاجەتتىلىگى پايدا بولدى. جاقىندا بۇل مۇمكىندىك نۇر-سۇلتاندا دا پايدا بولادى», دەيدى قازاقستانداعى ياندەكس ايماقتىق مەنەدجەرى يۆان انويكين.
«ەگەمەن-اقپارات»