كۆازيمەملەكەتتىك سەكتورداعى قۇقىقبۇزۋشىلىق قاتاڭ باقىلانادى

الدىمەن سىبايلاس جەم­قور­لىققا قارسى ءىس-قيمىل اگەنت­تىگىنىڭ 2-دەپارتامەنتىنىڭ باس­شىسى سەرگەي پەروۆ كۆازي­مەم­لەكەتتىك سەكتور, قۇقىق قورعاۋ جانە سوت ورگاندارىنداعى ىستەردى تەرگەۋ سالاسىنداعى مىندەتتەر مەن باسىمدىقتار تۋرالى ايتىپ بەردى. – بۇعان دەيىن سىبايلاس جەم­قورلىققا قارسى كۇرەس قىز­مەتىندە كۆازيمەملەكەتتىك سەكتوردا, قۇقىق قورعاۋ جانە سوت ورگاندارىندا باقىلاۋدى كۇشەيتۋ ءۇشىن ارنايى بولىمشە اشىلعانى حابارلاندى. اتالعان سالالارداعى قۇقىقبۇزۋشىلىقتاردى سارا­لاي كەلە وسىنداي شە­شىم قا­بىلدانعان ەدى. كۆازيمەملەكەتتىك سەكتورداعى قارجىنىڭ زاڭسىز جۇمسالۋىنا, جىمقىرىلۋىنا جول بەرمەۋ قاتاڭ تالاپ ەتى­لەدى. مۇنداي وقيعالار بولعان جاع­دايدا قىلمىستىق ءىس قوزعالادى. كۆازيمەملەكەتتىك سەكتورداعى جىمىسقى ارەكەتتەر مەملەكەت­كە زيانىن تيگىزەدى. بۇل ماسە­لەلەر باق بەتتەرىندە, الەۋمەتتىك جەلىلەردە ۇنەمى قىزۋ تالقىلانادى. ونىڭ جارقىن مىسالى رەتىندە بارىنە ايان «بايتەرەك» ۇلتتىق باسقارۋشى حول­دينگىندە, «ەكسپو» جانە «اس­تانا LRT» كومپانيالارىن­دا تىركەلگەن جەمقورلىق فاك­تىلەرىن ايتۋعا بولادى. بۇل وسى باعىتتاعى جۇمىستارعا بارىنشا ءمان بەرۋ كەرەكتىگىن اڭعارتادى, – دەدى ول.سونداي-اق سەرگەي پەروۆ قۇقىق قورعاۋ سالاسىنداعى ولقى­لىقتار حالىقتىڭ بيلىككە دەگەن سەنىمىن ازايتاتىنىن, سوندىقتان بۇل باعىتتاعى جۇمىستاردىڭ اشىق ءارى ءادىل بولۋى ۇدايى باقىلانۋى كەرەك ەكەنىن اتاپ ءوتتى. وسى ماقساتتا مامىر ايىن­دا ىشكى ىستەر مينيسترلىگىمەن جانە جوعارعى سوتپەن بىرلەسكەن جۇمىستار قولعا الىنىپ, سىبايلاس جەمقورلىققا قارسى ءىس-شارالار كەشەنى انىقتالىپتى.ودان كەيىن سىبايلاس جەم­قور­لىققا قارسى ءىس-قيمىل اگەنت­تىگى تەرگەۋ كوميتەتىنىڭ باس تەر­گەۋشىسى دانيار بەكايداروۆ قىلمىستىق-پروتسەستىك كودەكستىڭ 200-بابى بويىنشا مەملەكەتتىك ورگانداردا سىبايلاس جەمقورلىق تاۋەكەلدەرىن جويۋ ماقساتىندا ەنگىزىلگەن ۇسىنىستار جونىندە ما­لىم­دەدى. ونىڭ ايتۋىنشا, ءبىرىنشى جارتىجىلدىقتا سىباي­لاس جەمقورلىققا قارسى قىزمەت پەن اۋماقتىق بولىمشەلەر ءار­تۇر­لى مەملەكەتتىك ورگاندارعا 1700-گە جۋىق ۇسىنىس جاساپتى. ونىڭ باسىم بولىگى, ناقتىراق ايتساق, 722 ۇسىنىس ىشكى ىستەر ورگاندارىنا باعىتتالىپتى. سو­نى­مەن قاتار ءتۇرلى دەڭگەيدەگى اكىمدىكتەرگە – 390, ءبىلىم بەرۋ مەكەمەلەرىنە – 86, مەملە­كەتتىك كىرىس ورگاندارىنا – 44, كۆازي­مەم­لەكەتتىك سەكتورعا 80 ۇسى­نىس جولدانعان ەكەن. مۇنداي ۇسى­نىستاردى دايىنداۋ كەزىندە قۇقىق بۇزۋشىلىق جاساۋعا ىق­پال ەتەتىن سەبەپتەر مەن جاع­داي­لار زەرتتەلىپ, انىقتالىپ­تى. بۇل ءتاسىل سىبايلاس جەم­قور­لىق­تىڭ الدىن الۋعا, سونداي-اق جاع­دايلارعا يتەرمەلەيتىن تاۋە­كەل­دەردى ازايتۋعا باعىتتالعان.ءباسپاسوز جيىنى بارىسىندا دانيار بەكايداروۆ بۇقارالىق اقپارات قۇرالدارى قىزۋ تال­قىلاپ جاتقان «استانا LRT» جشس-نىڭ بۇرىنعى باسشىسى تالعات اردانعا قاتىستى ىس­كە توقتالدى. ول قازىرگى تاڭدا نۇر-سۇلتان قالالىق سىبايلاس جەم­­قورلىققا قارسى قىزمەتى جەڭىل رەلستى كولىك جوباسى قۇرى­لىسىنا قاتىستى بيۋدجەت قار­جى­سىن جىم­قىرۋ فاكتىسى بويىن­شا قىل­مىس­تىق تەرگەۋ جۇر­گى­زىپ جاتقانىن ايتىپ, بۇدان ار­تىق اقپارات بەرە المايتىنىن مالىمدەدى.