بەلگىلى جازۋشى زەينوللا شۇكىروۆتىڭ بالا كەزىندە تۇيەدەن قۇلاعان ساتتەگى جاراقاتتان العان مۇگەدەكتىكتەن ۇزاق جىل توسەك تارتىپ جاتقانىن بىلەمىز. سويتە تۇرا قايسار قالامگەر ەشتەڭەگە مويىماي رومان, پوۆەستەر, اڭگىمەلەر جازعان. سونداي قيىن كەزدە وعان سەپ بولعان بۇيىمعا كۋا بولعانىمىز بار. اڭگىمە تۇسىنىكتى بولۋ ءۇشىن باسىنان باستايىق.
وسى بيىل ەرتە كوكتەمدە تانىسىمىزدىڭ ۇيىنە الىس قىزىلوردادان الماتىعا كەلگەن ءۇرزيا ساعىندىققىزى اپايىمىز ديىرمەن تاسىن ورتاعا الىپ, سول كەزەڭنىڭ قيىن تىنىسىن اڭگىمەلەدى. ايتۋىنشا, جازۋشىنىڭ اناسى ناۋات اپامىز ءبىر ۋىس قارا تارىنى مىنا قول ديىرمەننىڭ وڭەشىنە سالىپ, اقتاپ الاتىن كورىنەدى. «انالارىمىزدىڭ ءبىرى كەلى ءتۇيىپ, ەندى ءبىرى قارا قازان ماڭايىندا ابىر-سابىر اش قۇرساق تىرلىگىمىز كەيىن سول زەينوللا اعامىزدىڭ «سىر بويى» ەپوپەياسىندا كوزگە جاس اكەلەتىن ساعىنىشقا تولى ساتتەر ەدى. سوعىس بالالارىنىڭ ءومىرىن كورسەتە الدى ما؟
جارىقتىق انالارىمىزدىڭ جاندارىن شۇبەرەككە تۇيگەن سۇراپىل كەزدەگى قيىن-قىستاۋ كەزەڭدەرىن ايتا الدىق پا, دەپ جۇرەگى قارس ايىرىلادى. سونداعى زەينوللا اعامىزعا تالعاجاۋ ەتۋگە مۇمكىندىك بەرگەن قول ديىرمەننىڭ ءبىر بولىگى عوي. ەي, جارىقتىق زامان-اي, ەرتەڭگى ۇرپاق سونى تۇسىنسە عوي», دەپ ەدى سوندا. ەل باسىنا كۇن تۋعان سۇراپىل كەزەڭنىڭ ءبىر دەرەگى دەرسىز. انالارىمىز ءبىر كەزدە تاريح ءۇشىن سول تاستاردى دا تاستاماي كوتەرىپ ءجۇردى-اۋ... شۇكىر دەيىك...
ساپارباي پارمانقۇل,
«Egemen Qazaqstan»
الماتى