كاسىپكەرلەر پالاتاسىنىڭ ۇيىتقى بولۋىمەن جاسالعان «جاس كاسىپكەر» جوباسىنا 18 بەن 29 جاس ارالىعىنداعى جاس وتباسى مۇشەلەرى, تۇرمىسى تومەن, كوپبالالى وتباسى بالالارى, مۇمكىندىگى شەكتەۋلى ازاماتتار مەن جۇمىسسىز جاستار قاتىسا الادى. ستۋدەنتتەر جوبانىڭ قاتىسۋشىسى بولا المايدى.
جوباعا قاتىسقىسى كەلگەن ازاماتتار جەكە كۋالىگىنىڭ كوشىرمەسى, مەكەن-جاي انىقتاماسى, ءوتىنىش جانە ارنايى فورماعا ساي تولتىرىلعان انكەتامەن كاسىپكەرلەر پالاتاسىنا, پالاتانىڭ اۋداندىق فيليالدارىنا, جۇمىسپەن قامتۋ ورتالىقتارىنا نەمەسە وزدەرى تۇراتىن ەلدى مەكەننىڭ اكىمدىگىنە بارىپ تولىق اقپارات الا الادى.
جوباعا قاتىسپاس بۇرىن جاستار الدىن الا تەستتەن وتەدى. جالپى 100 بالدان ەڭ كەمى 55 بالل جيناۋ قاجەت. جوباعا قاتىسۋعا مۇمكىندىك العان ازاماتتار 3 اپتالىق – 21 كۇندىك وقۋ كۋرسىنا قاتىسادى. جوباعا قاتىسۋشىلارعا سەرتيفيكات العاننان كەيىن 19273 تەڭگە ءبىر رەتتىك شاكىرتاقى تولەنەدى.
جوبا بارىسىندا جاستاردى ارنايى كونكۋرس ارقىلى انىقتالعان بيزنەس-ترەنەرلەر وقىتاتىن بولادى. وقۋ باعدارلاماسىندا كاسىپكەرلىك نەگىزدەرىمەن بىرگە ءبىلىم الۋشى بيزنەس-جوسپارىن جاساپ شىعادى. ءارى بولاشاق كاسىپپەن اينالىسۋشىلارعا ارنايى پسيحولوگتار دا كومەك كورسەتەتىن بولادى.
«جاس كاسىپكەر» جوباسى اقىسىز نەگىزدە, تەگىن وقىتىلادى.
جوباسىن ءساتتى قورعاعان جاستاردىڭ سەرتيفيكاتى 2 جىلعا جارايدى. وسى ۋاقىت ارالىعىندا جوباعا قاتىسۋشىلار 6,5 جىلعا 6 پايىزبەن 8000 اەك (20 ملن.200 مىڭ) تەڭگەگە دەيىن مەملەكەتتىك باعدارلاما اياسىندا جەڭىلدەتىلگەن نەسيە الا الادى.
«جاس كاسىپكەر» جوباسىنا قاتىسۋشىلاردىڭ جوباسىن كاسىپكەرلەر پالاتاسى ءبىر جىلعا دەيىن سۇيەمەلدەيتىن بولادى.