اكتسيا ماقساتى از قامتىلعان, كوپبالالى جانە تۇرمىسى تومەن وتباسىلاردىڭ بالالارىن, اتا-اناسىنىڭ قامقورلىعىنسىز قالعان وقۋشىلاردى مەكتەپكە قاجەتتى قۇرال-جابدىقتار مەن كيىم-كەشەكپەن قامتاماسىز ەتۋ.
«بۇل تەك جىلىنا ءبىر رەت ۇيىمداستىرىلاتىن اكتسيا بولعاندىقتان, مەملەكەت باسشىسى توقاەۆ قاسىم-جومارت كەمەل ۇلىنىڭ ارنايى تاپسىرماسىنا سايكەس, وسى اكتسياعا جاڭاشىلدىق ەنگىزىلدى. بۇدان بىلاي, «مەكتەپكە جول» اكتسياسى 2 اي عانا ەمەس, جىل بويى ىسكە اساتىن بولادى», دەپ جازدى مينيستر.
دەمەۋشىلەر مەن مەتسەناتتار atamekenim.kz پورتالىندا ورنالاسقان ءوتىنىم جانە ءتىزىم بويىنشا مۇقتاج وتباسىلارعا كومەك كورسەتە الادى.
جىل سايىن ەلىمىزدىڭ بارلىق وڭىرىندە 1 تامىز بەن 30 قىركۇيەك ارالىعىندا وتەتىن «مەكتەپكە جول» رەسپۋبليكالىق قايىرىمدىلىق اكتسياسى 2008 جىلى باستالعان.
وتكەن جىلدىڭ قورىتىندىسى بويىنشا 328 766 وقۋشى 2 ملرد. 822 ملن. 846 مىڭ تەڭگەگە ماتەريالدىق جانە قارجىلىق كومەك العان.