«قازگيدرومەت» رمك 2019 جىلعى 20 شىلدەدە نۇر-سۇلتان قالاسىندا باستالعان #Birge #TazaQazaqstan ەكولوگيالىق اكتسياسىن قولدادى.
«قازگيدرومەت» ورتالىق اپپاراتىنىڭ قىزمەتكەرلەرى قوياندى سۋ قويماسىنىڭ جاعالاۋىنداعى قوقىستاردى تازارتۋ بويىنشا ەكولوگيالىق سەنبىلىككە بەلسەنە قاتىستى. ءىس-شاراعا مينيسترلەر كابينەتىنىڭ مۇشەلەرى, ەلىمىزدىڭ قوعامدىق ۇيىمدارى مەن ەكولوگيالىق قاۋىمداستىقتارىنىڭ وكىلدەرى, ۆولونتەرلەر, جاستار, قورشاعان ورتانى قورعاۋ ماسەلەلەرىنە نەمقۇرايلى قارامايتىن ازاماتتار قاتىستى. اكتسياعا بارلىعى 2000 ادام قاتىسىپ, 26 كۆ كم استام اۋماق تازالاندى. ناتيجەسىندە 10 توننادان استام قوقىس شىعارىلدى.
27 شىلدەدە «قازگيدرومەت» فيليالدارىنىڭ قىزمەتكەرلەرى قازاقستاننىڭ بارلىق وبلىستارىندا ەكولوگيالىق ەستافەتانى قابىلدايدى. «قازگيدرومەت» ايماقتىق فيليالدارى #Birge #TazaQazaqstan ەكولوگيالىق اكتسياسىن قولداۋعا شاقىرادى.