ۆەنگريانىڭ بۋداپەشت قالاسىندا ءوتىپ جاتقان سەمسەرلەسۋدەن الەم چەمپيوناتىندا قازاقستاندىق شپاگاشىلار كوماندالىق سىندى اياقتادى. بۇل تۋرالى Olympic.kz حابارلادى.
جارىس ناتيجەسى بويىنشا ءبىزدىڭ شپاگاشىلار ونىنشى ورىن يەلەندى. 1/8 اينالىمدا وتكەن تارتىستى كەزدەسۋدە قازاقستان كومانداسى 44:45 ەسەبىمەن رەسەيگە جول بەردى. كەيىن 45:44 ەسەبىمەن اقش قۇراماسىن جانە 41:40 ەسەبىمەن ۆەنگريانى جەڭدى. ال جاپونيا كومانداسىنا قارسى وتكەن كەزدەسۋدە ءبىزدىڭ شپاگاشىلار 44:45 ەسەبىمەن ۇتىلىپ, 10-شى ورىنعا تۇراقتادى.
كوماندالىق باسەكەدە قازاقستان اتىنان رۋسلان كۋربانوۆ, ەلمير اليمجانوۆ, دميتري الەكسانين جانە ۆاديم شارلايموۆ سىنعا ءتۇستى. ال شپاگادان كوماندالىق سىنعا 42 قۇراما قاتىسقان.