مەملەكەتتىڭ از قامتىلعان وتباسىلارعا, مۇگەدەكتەرگە, جۇمىسسىزدارعا جاساپ وتىرعان قولداۋى ەلىمىزدە مىڭداعان وتباسىلاردىڭ الەۋمەتتىك احۋالىنا دەم بەرگەنى راس.
مەنىڭ وتباسىمنىڭ اسىراۋشىسى بولماعاندىقتان, كامەلەتتىك جاسقا تولماعان ءتورت بالامەن قينالعان كەزدەرىم بولماي قالعان جوق. قازىرگى تاڭدا مەملەكەت تاراپىنان قاراستىرىلعان اتاۋلى الەۋمەتتىك كومەككە قول جەتكىزدىم, ماڭعىستاۋ اۋداندىق جۇمىسپەن قامتۋ ورتالىعى ارقىلى اقىلى قوعامدىق جۇمىسپەن قامتىلدىم. مۇنىڭ ءبارى مەنىڭ وتباسىمنىڭ, بالا-شاعامنىڭ قارجىلىق, تۇرمىستىق دەڭگەيىنە وڭ اسەر ەتتى. تەك مەن عانا ەمەس, اۋىلىمىزدا مەملەكەتتىك «قولجەتىمدى باسپانا» باعدارلاماسى بويىنشا ءتورت وتباسى زاڭعا ساي كەزەگىمەن تۇرعىن ۇيگە قول جەتكىزسە, جەتى وتباسى اتاۋلى الەۋمەتتىك كومەكپەن قامتىلدى. مۇنىڭ بارلىعى مەملەكەتىمىزدىڭ حالىقتىڭ جاعدايىن نازاردان تىس قالدىرماعانىنىڭ جەمىسى.
ق.توقاەۆتىڭ جاڭا جۇمىس ورىندارىن اشۋ, مۇگەدەكتەرگە قولداۋ كورسەتۋ, تۇرعىن ءۇي ماسەلەسىن شەشۋ, ءبىلىم بەرۋ مەن دەنساۋلىق ساقتاۋ سالاسىن نىعايتۋ باعىتىنداعى تاپسىرمالارى حالىق يگىلىگىنە قىزمەت ەتەدى دەپ كۇتەمىز.
سونىمەن قاتار اتاۋلى الەۋمەتتىك كومەككە قول جەتكىزۋ ءۇشىن ەل اراسىندا ورىن العان ادەيى اجىراسۋ, مۇلكىن وزگەنىڭ اتىنا اۋدارۋ سىندى قيتۇرقى ارەكەتتەردىڭ ورىن الۋى ۇيات جاعداي. مەملەكەتتىڭ قولداۋىن قابىل الىپ, جاقسى باستامالارعا حالىق ءوز تاراپىنان دا قولداۋ كورسەتسە دەيمىن.
بالكەنجە يباناەۆا,
ۇشتاعان اۋىلىنىڭ تۇرعىنى
ماڭعىستاۋ وبلىسى