مەملەكەت باسشىسىنىڭ ۇكىمەتتىڭ كەڭەيتىلگەن وتىرسىندا بيۋدجەتتى ءتيىمدى يگەرۋ بويىنشا اۋقىمدى تاپسىرمالار بەرگەنىن ەسكە سالعان التاي كولگىنوۆ اstana LRT جوباسى جايلى ءسوز قوزعادى. «مەملەكەت باسشىسى بيۋدجەتتىڭ ءتيىمدى يگەرىلمەي جاتقانىن سىنعا الدى. اstana LRT جوباسى دا اتالىپ, ونىڭ قۇنى تىم جوعارى ەكەنى, ءوزىن اقتايتىنى كۇماندى ەكەنى ايتىلدى. قازىر ۇكىمەتپەن بىرگە قۇرىلىس قۇنىن وڭتايلاندىرۋ بويىنشا جۇمىس ىستەپ جاتىرمىز.
«استانا» بانكىنىڭ لرت قۇرىلىسى بويىنشا بۇعاتتالعان بارلىق قاراجاتى مەملەكەتكە قايتارىلۋى ءتيىس», - دەگەن قالا اكىمى الداعى ۋاقىتتا بيۋدجەتتىك باعدارلامالاردىڭ قايتا جاسالاتىنىن جەتكىزدى.
«يميدجدىك جوبالاردان تارتىنۋ قاجەت بولادى. پرەزيدەنت بۇل تۇرعىدا ايقىن ماقسات قويدى. بيۋدجەتتىك جوبالار «نە ءۇشىن قاجەت» جانە «الەۋمەتتىك-ەكونوميكالىق تيىمدىلىگى قانداي» دەگەن ەڭ قاراپايىم ەكى ساۋالعا جاۋاپ بەرۋ ءتيىس ەكەنىن اتاپ ءوتتى. راسىمەن دە جوبانى دايىنداعاندا تەحنيكالىق-ەكونوميكالىق قۇجاتتاما مەن جوبالىق سمەتاسىنان بۇرىن قانداي الەۋمەتتىك-ەكونوميكالىق ماسەلەنى شەشەتىنىنە باس اۋىرتۋ قاجەت», - دەدى التاي كولگىنوۆ.