سەنبى, 23 اقپان 2013 7:19
قوزاپايا دەگەندى ماقتالى ءوڭىردىڭ حالقى بولماسا, باسقا جاقتاعىلار جاقسى بىلە بەرمەۋى مۇمكىن. ول – ماقتانىڭ ساباعى. ءونىم الىنىپ بولعاننان كەيىن ەرىنبەگەن ەل القاپتان وسى ساباقتى كەتپەنمەن شاۋىپ, جيناپ الادى. ءسويتىپ, وشاققا جەڭىل-جەلپى تاماق ىستەگەندە وتىنعا پايدالاناتىن. وسىدان كەيىن: «قوزاپايانىڭ قازان ءتۇبىن قىزدىرعاننان باسقا پايداسى جوق», دەپ ويلاپ ءجۇرۋشى ەدىك. قاتەلەسىپپىز. جاقىندا جەتىساي قالاسىندا ماقتانىڭ ساباعىنان قۇرىلىسقا جانە جيھاز جاساۋعا قاجەتتى تاقتايشالار شىعاراتىن كاسىپورىن جۇمىسىن باستادى. ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا ىسكە قوسىلعان بۇل «ساپاينۆەستپليۋس» جشس-ءى ماقتانى قالدىقسىز وڭدەۋگە مۇمكىندىك بەردى.
سەنبى, 23 اقپان 2013 7:19
قوزاپايا دەگەندى ماقتالى ءوڭىردىڭ حالقى بولماسا, باسقا جاقتاعىلار جاقسى بىلە بەرمەۋى مۇمكىن. ول – ماقتانىڭ ساباعى. ءونىم الىنىپ بولعاننان كەيىن ەرىنبەگەن ەل القاپتان وسى ساباقتى كەتپەنمەن شاۋىپ, جيناپ الادى. ءسويتىپ, وشاققا جەڭىل-جەلپى تاماق ىستەگەندە وتىنعا پايدالاناتىن. وسىدان كەيىن: «قوزاپايانىڭ قازان ءتۇبىن قىزدىرعاننان باسقا پايداسى جوق», دەپ ويلاپ ءجۇرۋشى ەدىك. قاتەلەسىپپىز. جاقىندا جەتىساي قالاسىندا ماقتانىڭ ساباعىنان قۇرىلىسقا جانە جيھاز جاساۋعا قاجەتتى تاقتايشالار شىعاراتىن كاسىپورىن جۇمىسىن باستادى. ۇدەمەلى يندۋستريالىق-يننوۆاتسيالىق دامۋ باعدارلاماسى اياسىندا ىسكە قوسىلعان بۇل «ساپاينۆەستپليۋس» جشس-ءى ماقتانى قالدىقسىز وڭدەۋگە مۇمكىندىك بەردى.
ءوندىرىس ورنى جىلىنا 50 مىڭ تەكشە مەترگە دەيىن دايىن ءونىم شىعارۋعا قۋاتى جەتەدى. بۇل ىسكە باس-اياعى 450 ملن. تەڭگە جۇمسالدى. ونىڭ ىشىندە كاسىپورىن قۇنى 212 356 588 تەڭگەنى قۇرايتىن قۇرال-جابدىقتاردى ليزينگتىك نەسيەگە العان. تۇساۋىن كەسكەن ءبىر اي كولەمىندە زاۋىت 200 تەكشە مەتر دايىن ءونىم شىعارىپ ۇلگەردى. ونىڭ ساپاسى جوعارى, باعاسى ارزان. ءارى سالماعى جەڭىل جانە قاتتى, بەرىك. باعاسى رەسەي جانە باسقا دا شەتەلدەردەن اكەلىنەتىن ونىمدەرگە قاراعاندا 20-30 پايىزعا تومەن. سونداي-اق, زاۋىت جانىنان وندىرىسكە قاجەتتى جەلىم شىعاراتىن تسەح ىسكە قوسىلعان. ءونىمنىڭ وزىندىك قۇنىنىڭ تومەن بولۋىنىڭ ءبىر سەبەبى دە وسى بولسا كەرەك. «بۇل پرەسس تاقتايعا سۇرانىس جاقسى. ءبىر ماقتاارال اۋدانىنىڭ وزىندە 30 شاقتى جيھاز جاسايتىن كاسىپكەرلەر بار ەكەن. كورشى اۋدانداردى بىلاي قويعاندا, شىمكەنت, الماتى جاقتىڭ ءىسكەرلەرى دە وسى تاقتايلارعا قىزىعۋشىلىق تانىتىپ جاتىر», دەيدى كاسىپورىن باسشىسى نۇرمۇرات مازاراپ ۇلى.ءسويتىپ, قوزاپايا اياق استىنان تابىس كوزىنە اينالىپ شىعا كەلدى. زاۋىت ساباقتىڭ ءار تونناسىن 3-3,5 مىڭ تەڭگەدەن قابىلداپ الىپ جاتىر. بىراق ءدال قازىر ماقتا القابىنا كىرۋ مۇمكىن ەمەس. جەر لايساڭ. ونىڭ ۇستىنە سور شايۋ جۇمىستارى ءجۇرىپ جاتىر. سوندىقتان كەتپەن الىپ, قوزاپايا قوپارىپ, القاپتى ارالاپ كەتۋ قيىن. ال, ازىرگە سوناۋ قارا كۇزدە ماقتا ساباقتارىن اۋلاسىنا تاۋ قىلىپ جيناپ قويعانداردىڭ قولى ءجۇرىپ تۇر.ورالحان ءداۋىت,«ەگەمەن قازاقستان».وڭتۇستىك قازاقستان وبلىسى,ماقتاارال اۋدانى.