كەرۋەن اقپارات جانە قوعامدىق دامۋ مينيسترلىگىنىڭ «ەتنومادەني بىرلەستىكتەردىڭ بەلسەندى قاتىسۋىمەن جاستار اراسىندا الەۋمەتتىك بىرلىك مادەنيەتىن دامىتۋ» الەۋمەتتىك جوباسىنىڭ شەڭبەرىندە «ازاماتتىق باستامالاردى قولداۋ ورتالىعى» ۇاق گرانتىن ىسكە اسىرۋ ماقساتىندا وتۋدە.
ەلىمىزدىڭ بەلسەندى جاستارىن بىرىكتىرۋدى كوزدەگەن كەرۋەن «رۋحاني جاڭعىرۋ» باعدارلاماسىنىڭ نەگىزگى ەرەجەلەرىن تۇسىندىرەدى. الەۋمەتتىك جوبالار زەرتحاناسى – «الەۋمەتتىك ليفتتەر» پلاتفورماسىن, ءبىلىم بەرۋدەگى يننوۆاتسيانى دامىتۋ, «قازاقستاندىق جاستاردىڭ باسەكەگە قابىلەتتىلىگىن ارتتىرۋ» بيزنەس-ينكۋباتورى. مودەراتور-باپكەرلەر رەتىندە ەتنومادەني بىرلەستىكتەردىڭ وكىلدەرى, مادەنيەت قايراتكەرلەرى تارتىلىپ وتىر. سونداي-اق سپيكەرلەردىڭ قاتارىندا ءبىلىم بەرۋ, مادەنيەت, تاريح جانە بيزنەس سالاسىنداعى قايراتكەرلەر مەن ساراپشىلار دا بار. ولار ءوز باياندامالارىندا «رۋحاني جاڭعىرۋ» باعدارلاماسىنىڭ نەگىزگى مىندەتتەرىنىڭ 5 بلوگىنا, اتاپ ايتقاندا قازاقستان تاريحى, مادەنيەتى, ەكولوگيا, ءبىلىم بەرۋ مەن تاعى باسقا سالالارعا ەرەكشە نازار اۋدارادى. قازاقستان حالقى اسسامبلەياسىنىڭ جانىنداعى «جاراسىم» رەسپۋبليكالىق جاستار ۇيىمىنىڭ توراعاسى تيمۋر جۇمىرباەۆ قوعامداعى بەيبىتشىلىك پەن كەلىسىمنىڭ ماڭىزدىلىعىن ەرەكشە اتاپ ءوتتى.
كەرۋەن اعىمداعى جىلدىڭ 10 شىلدەسىنەن باستالىپ, قازاقستاننىڭ 17 قالاسىن ارالاپ, قاراشا ايىندا اياقتالادى. اقمولا وبلىسىندا تۇندىگى تۇرىلگەننەن كەيىن كەرۋەن ساراپشىلارىنىڭ دەلەگاتسياسى سقو, ودان ءارى ەلىمىزدەگى مونوقالالار مەن اۋدانداردى ارالايدى.