جۇما, 18 قاڭتار 2013 7:09
پاۆلودار اۋدانى – ءوڭىر تۇرعىندارىن اۋىل شارۋاشىلىعى ونىمدەرىمەن قامتاماسىز ەتىپ وتىرعان وبلىس ورتالىعىنا جاقىن ورنالاسقان اۋدان. اۋداندا بىلتىرعى جىلى 140 مىڭ گەكتارعا اۋىلشارۋاشىلىق داقىلدارى ەگىلىپتى. مىسالى, زەينوللا سالمەنباەۆ باسقاراتىن «انداس» شارۋا قوجالىعى 520 گەكتار القاپقا كارتوپ سالدى. ونىمگە دەگەن سۇرانىس كوپ. ءاربىر گەكتارىنان 200 تسەنتنەردەن كارتوپ الىپتى. قويمادا قىستا ساقتايدى.
جۇما, 18 قاڭتار 2013 7:09
پاۆلودار اۋدانى – ءوڭىر تۇرعىندارىن اۋىل شارۋاشىلىعى ونىمدەرىمەن قامتاماسىز ەتىپ وتىرعان وبلىس ورتالىعىنا جاقىن ورنالاسقان اۋدان. اۋداندا بىلتىرعى جىلى 140 مىڭ گەكتارعا اۋىلشارۋاشىلىق داقىلدارى ەگىلىپتى. مىسالى, زەينوللا سالمەنباەۆ باسقاراتىن «انداس» شارۋا قوجالىعى 520 گەكتار القاپقا كارتوپ سالدى. ونىمگە دەگەن سۇرانىس كوپ. ءاربىر گەكتارىنان 200 تسەنتنەردەن كارتوپ الىپتى. قويمادا قىستا ساقتايدى. قوجالىق 2012 جىلى مەملەكەت تاراپىنان وسىمدىك شارۋاشىلىعىن قولداۋعا 7 ميلليون تەڭگەگە جۋىق سۋبسيديا, ەگىن ەگۋ جانە جيىن-تەرىم ناۋقاندارىنا ارزان باعالى جانار-جاعارماي الىپتى. ال «نابەرەجنوە» شارۋا قوجالىعىنىڭ باسشىسى ارمان سالمەنباەۆ بولسا, 7 مىڭ گەكتارعا كۇنباعىس, ەگىن سالىپتى. بىلتىرعى قۋاڭشىلىق وڭاي بولعان جوق. گەكتارىنان 5 تسەنتنەر كۇنباعىس الدىق. اۋا رايىنىڭ قولايسىزدىعىن ەسكەرسەك, شىعىم جامان ەمەس. جەردى وڭدەۋدىڭ ارقاسىندا وسىنداي شىعىمدىلىققا قول جەتكىزدىك. ال قازىر, بيىلعى جىلعى ەگىن ەگۋ ناۋقانىنا توپىراقتى دايىنداۋدى باستاپ كەتتىك, دەيدى ول.
بۇل جىگىتتەرمەن قاتارلاس كەلە جاتقان «توعاس س» شارۋا قوجالىعىنىڭ دا العا قويعان جوسپارلارى بار ەكەن. سەرىكتەستىكتە 2011 جىلدان باستاپ 930 ءىرى قارا مالعا ارنالعان تاۋارلى-ءسۇت فەرماسى جانە 800 گەكتار سۋارمالى ۋچاسكە قۇرىلىسىن كوزدەيتىن جالپى قۇنى 2 ملرد. تەڭگەدەن استام ينۆەستيتسيالىق جوباسى جۇزەگە اسىرىلۋدا. شارۋا قوجالىعى جوبا قۇرىلىسىن ءوز قاراجاتى ەسەبىنەن جۇرگىزۋدە. بۇگىندە 300 ميلليون تەڭگەگە جۋىق قارجى جۇمساپتى. ناتيجەسىندە, 3 بىردەي مال قورانىڭ نەگىزگى قاڭقاسى تۇرعىزىلىپ, توبەسى جابىلۋدا. ال سۋارمالى القاپتىڭ قۇرال-جابدىقتارىنا قاجەتتى 700 ميلليون تەڭگە شاماسىنداعى قارجىنى الداعى ۋاقىتتا «بيزنەستىڭ جول كارتاسى-2020» باعدارلاماسى بويىنشا «تەمىربانكتەن» الۋعا نيەتتى.
نەسيە الۋ كەلىسىمشارتى وڭ شەشىمىن تاپتى, دەيدى سەرىكتەستىك باسشىسى جاسۇلان احمەتوۆ. جوبا جولعا تۇسسە, بۇل فەرمانىڭ بەرەرى مول ەكەنىنە سەنىمدى. شارۋا قوجالىعى اسىل تۇقىمدى ءسۇتتى سيىرلاردى گەرمانيادان اكەلەدى. مالدى وزگەشە تاسىلمەن وسىرمەك. ياعني جاڭا تەحنولوگيا بويىنشا سيىرلار قورادا بايلانباي ەركىن جۇرەدى. جايىلىمعا شىقپايدى. قالاعان ۋاقىتىندا جەم-ءشوبىن جەپ, سۋىن ىشە الادى. ءاربىرىنىڭ جاتاتىن ورنى جاسالادى. ءتىپتى, سۇيكەنەتىن ارنايى ششەتكالارى دا بولادى. كۇنىنە بىرنەشە رەت ساۋىلادى. سيىرلاردى ساۋ جۇمىسىن نەمىستىڭ وزىق تەحنيكاسى جۇزەگە اسىرادى. مۇنداي جاڭاشىلدىق ءاربىر سيىر بەرەتىن ءسۇتتىڭ كولەمىن 15-20 پايىزعا ارتتىرادى ەكەن. ال, ءجيى قوزعالىستا بولاتىن مال, كوپ اۋىرمايدى, دەيدى ماماندار. بۇل رەتتە تەحنيكا مەن مال ساتىپ الۋعا قاجەتتى 917,2 ميلليون تەڭگە قارجىنى سەرىكتەستىك «قازاگروقارجى» اق ارقىلى الادى. قازىرگى تاڭدا قۇجاتتارى رەتتەلدى. تاۋارلى-ءسۇت فەرماسى 2014 جىلى ىسكە قوسىلادى. جاڭا جۇمىس ورىندارى اشىلادى. شارۋا قوجالىعى جۇمىسشىلارعا ارناپ «اگروقالاشىق» قۇرىلىسىن جۇرگىزۋدە. سەرىكتەستىك چەرنورەتسك اۋىلدىق وكرۋگى اۋماعىندا, فەرماعا جاقىن جەردە 32 پاتەرلى ەكى قاباتتى تۇرعىن ءۇيدى قالپىنا كەلتىرىپ, جۇمىسشىلاردى سوندا ورنالاستىرادى.
فاريدا بىقاي,
«ەگەمەن قازاقستان».
پاۆلودار وبلىسى.