سارسەنبى, 9 قاڭتار 2013 7:20
تمد اۋماعىنداعى رەنتگەن اپپاراتتارىن شىعاراتىن بىرەگەي كاسىپورىن – «اقتوبەرەنتگەن» اكتسيونەرلىك قوعامى جاڭا جىلعا مول تارتۋمەن كەلدى. بۇرىنعى جىلدارعا قاراعاندا, ءوندىرىس كولەمى كەڭەيىپ, وندىرىستىك كورسەتكىشتەردە ىلگەرىلەۋ بولدى. جاڭا تەحنولوگيالىق جوبالاردى جۇزەگە اسىرۋدا زاۋىتتىڭ ينجەنەر-تەحنيك قىزمەتكەرلەرى جىل وتكەن سايىن بەلسەندىلىك تانىتۋدا. سونىڭ ناتيجەسىندە كاسىپورىن قازىر الەمدىك ستاندارتتارعا ساي ونىمدەر شىعارىپ,
سارسەنبى, 9 قاڭتار 2013 7:20
تمد اۋماعىنداعى رەنتگەن اپپاراتتارىن شىعاراتىن بىرەگەي كاسىپورىن – «اقتوبەرەنتگەن» اكتسيونەرلىك قوعامى جاڭا جىلعا مول تارتۋمەن كەلدى. بۇرىنعى جىلدارعا قاراعاندا, ءوندىرىس كولەمى كەڭەيىپ, وندىرىستىك كورسەتكىشتەردە ىلگەرىلەۋ بولدى. جاڭا تەحنولوگيالىق جوبالاردى جۇزەگە اسىرۋدا زاۋىتتىڭ ينجەنەر-تەحنيك قىزمەتكەرلەرى جىل وتكەن سايىن بەلسەندىلىك تانىتۋدا. سونىڭ ناتيجەسىندە كاسىپورىن قازىر الەمدىك ستاندارتتارعا ساي ونىمدەر شىعارىپ, سالالاس ءوندىرىس ورىندارى اراسىندا كوش باستاۋدا. 2007 جىلى «قازاقستاننىڭ دامۋ بانكى» اق-تىڭ قولداۋىمەن ەۋروپانىڭ بىرقاتار ەلدەرىندە, كانادا مەن جاپونيادا شىعارىلعان زاماناۋي قۇرالدارمەن جابدىقتالعان كاسىپورىن ءوندىرىستىڭ جاڭا دەڭگەيىنە وتكەن بولاتىن. ينۆەستيتسيالىق جوبانىڭ 2006-2008 جىلدارداعى ءبىرىنشى كەزەگىن ءجۇزەگە اسىرۋدىڭ ناتيجەسىندە اكتسيونەرلىك قوعامنىڭ ءوندىرىستىك بازاسى اۋىر رەنتگەن تەحنيكاسىنىڭ بۇرىنعىدان دا كوپ ءتۇرىن دايىنداۋعا مۇمكىندىك الدى. وسىندا شىعارىلاتىن «ارمان» رەنتگەن اپپاراتتارى مەن «فليۋاركوم» فليۋوروگرافيالىق كابينەتتەرى ءار ەمحانادا, ءار اۋرۋحانادا تۇر دەسەك, ارتىق ەمەس. 20-30 جىلدان بەرى شىعارىلىپ كەلە جاتقان «ارمان» ماركالى اپپاراتتار قازاقستاننىڭ عانا ەمەس, رەسەيدە دە, ۋكراينادا دا سۇرانىسقا يە.
مۇندا سونداي-اق, يتاليالىقتارمەن بىرلەسىپ «اردياگنوست» دياگنوستيكالىق كەشەنى شىعارىلادى. ۇكىمەتتىڭ داعدارىستان كەيىنگى ۋاقىتتا ەكونوميكانى ديۆەرسيفيكاتسيالاي وتىرىپ, شيكىزاتقا باعىنىشتىلىقتان كەتۋدى ۇستانعان داعدارىسقا قارسى باعدارلاماسىنىڭ اياسىندا كاسىپورىندا ءوندىرىستى ۇيىمداستىرۋ جانە اۋىر مەديتسينالىق رەنتگەن تەحنيكاسى سالاسىنىڭ تارماعىن قۇرۋ جوباسى جاسالعان. اكتسيونەرلىك قوعام ءوزىنىڭ وندىرىستىك بازاسىندا وتە كۇردەلى جوعارى تەحنولوگيالى مەديتسينالىق رەنتگەن تەحنيكاسى – كومپيۋتەرلىك توموگرافيا دايىنداۋدى قولعا الدى. ەلىمىزدىڭ ماشينا قۇرىلىسى سالاسىنداعى يننوۆاتسيالىق, سەرپىندى باعدارلاما بولىپ ەسەپتەلەتىن ۇدەمەلى يندۋستريالىق-يننوۆاتسيالىق دامۋ باعدارلاماسىنىڭ اياسىندا دايىندالعان ون التى قيمالى العاشقى قازاقستاندىق كومپيۋتەرلىك توموگرافيا اقتوبەدەگى ەمحانالاردىڭ بىرىنە ورنالاستىرىلدى. بۇل جوبانى جۇزەگە اسىرۋ, ياعني كاسىپورىننىڭ وتە قاراپايىم جانە جەڭىل پالاتالىق اپپاراتتاردى وندىرۋدەن رەنتگەن-دياگنوستيكالىق كەشەندەر مەن كومپيۋتەرلىك توموگرافيا سەكىلدى كۇردەلى ونىمدەر مەن اقپاراتتىق جۇيەلەرگە اۋىسۋى قازاقستانداعى ماشينا قۇرىلىسى سالاسىنا تىڭ سەرپىن بەردى. قازىر باسەكەگە قابىلەتتىلىك دەڭگەيىنىڭ كورسەتكىشى بويىنشا بۇل زاۋىتتىڭ ونىمدەرى مەديتسينالىق ماقساتتاعى رەنتگەن-دياگنوستيكالىق اپپاراتتار دايىنداۋ سالاسىندا بۇرىنعى كەڭەستىك ەلدەردىڭ كاسىپورىندارى اراسىندا ۇزدىك بەستىككە كىرەدى.كاسىپورىن ساندىق كومپيۋتەرلىك تەحنولوگيا, جوعارى جيىلىكتەگى قۋات بەرەتىن قۇرىلعىلار, ميكروپروتسەسسورلىق جانە ەسەپتەۋ تەحنيكاسى سالاسىنداعى وزىق جەتىستىكتەر نەگىزىندە رەنتگەن-دياگنوستيكالىق مەديتسينالىق اپپاراتتار ءتۇرىن كوبەيتۋدى, ولاردى ودان ءارى جەتىلدىرۋدى كوزدەۋدە. قازىر «اقتوبەرەنتگەننىڭ» ءونىمدەرىن الەمنىڭ جيىرمادان استام ەلى پايدالانىپ وتىر. ولاردىڭ اراسىندا «جەڭىس», «سانجار» ستاتسيونارلىق رەنتگەن فليۋوروگرافيالىق اپپاراتتارى, ءبىرىنشى مەديتسينالىق ءجاردەم كورسەتەتىن جىلجىمالى «ارگالەن» كەشەنى, باكتەريولوگيالىق جىلجىمالى «اررازي» زەرتحاناسى, جىلجىمالى دەزينفەكتسيالاۋشى «ارحيمەد» كەشەنى جانە باسقالارىنىڭ تەحنيكالىق پارامەترلەرى بويىنشا دەڭگەيى پوستكەڭەستىك كەڭىستىكتەگى ەلدەردەگى كاسىپورىندارى شىعاراتىن وسىنداي ونىمدەرمەن سالىستىرعاندا الدەقايدا جوعارى, اناعۇرلىم ساپالى. مۇندا دەنساۋلىق ساقتاۋ مينيسترلىگىنىڭ اپاتتىق مەديتسينالىق قىزمەتى ءۇشىن جىلجىمالى گوسپيتال جاساۋ جۇيەگە ءتۇستى. كوپ فۋنكتسيالى جىلجىمالى مەديتسينالىق كەشەن توتەنشە جاعداي بولعان ايماقتا, قايعىلى جاعدايلار ورىن العان وشاقتاردا قولدانىلادى. كاسىپورىننىڭ «قازاقستان رەسپۋبليكاسىنىڭ 2015 جىلعا ارنالعان كولىك ستراتەگياسىن» جۇزەگە اسىرۋ بارىسىندا جاسالعان سەرپىندى ونەركاسىپتىك جوباسى – «ارسكان» ينسپەكتسيالىق-تەكسەرۋ كەشەنىنىڭ جوباسى دايىندالدى. بۇل كەشەننىڭ بازاسىندا جۇك كولىكتەرىن اشىپ-جاپپاي-اق كەدەندىك تەكسەرۋدەن وتكىزۋگە بولادى ەكەن.مامموگرافيالىق, حيرۋرگيالىق, ۋرولوگيالىق, ستوماتولوگيالىق جانە باسقا مامانداندىرىلعان رەنتگەن-دياگنوستيكالىق تەحنيكالاردىڭ تاعى ءبىر تولقىنىن ودان ءارى ءوندىرۋ, جاساۋ, شىعارۋ كاسىپورىننىڭ كۇندەلىكتى جوسپارىنداعى جۇمىستار. جالپى, كاسىپورىندا 200-دەن استام ادام ەڭبەك ەتەدى. اكتسيونەرلىك قوعام جۇمىسشىلارىنىڭ ورتاشا ەڭبەكاقىسى 90 مىڭ تەڭگە شاماسىندا. ولارعا ەڭبەك جانە وندىرىستىك جاعداي تۋعىزىلعان, الەۋمەتتتىك قولداۋ دا جاقسى.
ساتىبالدى ءساۋىرباي,«ەگەمەن قازاقستان».