سارسەنبى, 12 ماۋسىم 2013 2:37
كەزىندە ەلدە جۇرگەندە بيلىكتىڭ مايلى تەتىگىن ۇستاپ, ويىنا كەلگەنىن ىستەپ, راحاتتانا ءىشىپ-جەگەن بتا بانكتىڭ بۇرىنعى باسشىسى مۇحتار ءابىلازوۆتىڭ سوڭعى ساعاتتارى سوعاتىن كۇنى جاقىنداپ قالدى. ويتكەنى, ونىڭ قىلمىستارى ءبىر ەمەس, بىرنەشە ەلدە اشكەرەلەنىپ, سوعان وراي وعان بىرنەشە مەملەكەت قىلمىستىق ءىس اشىپ وتىر. ماسەلەن, قازىر بۇرىن بارىنشا قۇپيا دا جۇمباق بولىپ كەلگەن وففشورلىق ايماقتارداعى اقشا اينالىمى جونىندەگى دەرەكتەر سۋدىڭ بەتىنە قالقىپ شىعىپ جاتىر. ول ەندى تىلسىمنىڭ سىرى بولۋدان قالدى.
سارسەنبى, 12 ماۋسىم 2013 2:37
كەزىندە ەلدە جۇرگەندە بيلىكتىڭ مايلى تەتىگىن ۇستاپ, ويىنا كەلگەنىن ىستەپ, راحاتتانا ءىشىپ-جەگەن بتا بانكتىڭ بۇرىنعى باسشىسى مۇحتار ءابىلازوۆتىڭ سوڭعى ساعاتتارى سوعاتىن كۇنى جاقىنداپ قالدى. ويتكەنى, ونىڭ قىلمىستارى ءبىر ەمەس, بىرنەشە ەلدە اشكەرەلەنىپ, سوعان وراي وعان بىرنەشە مەملەكەت قىلمىستىق ءىس اشىپ وتىر. ماسەلەن, قازىر بۇرىن بارىنشا قۇپيا دا جۇمباق بولىپ كەلگەن وففشورلىق ايماقتارداعى اقشا اينالىمى جونىندەگى دەرەكتەر سۋدىڭ بەتىنە قالقىپ شىعىپ جاتىر. ول ەندى تىلسىمنىڭ سىرى بولۋدان قالدى. سەبەبى, اۋەلدە لاڭكەستىك ماقساتتارعا جاراتىلىپ كەلگەن مۇنداي شوتتاردى جاسىرۋ مۇمكىن بولماي تۇر. ءسويتىپ, قاشقاندار مەن پىسقاندار ءۇشىن تالاي جىل «قارجى جۇماعى» بولىپ كەلگەن وففشورلار ءوز بەتپەردەلەرىنەن سىپىرىلۋدا. سول تىزىمدەگى ەڭ سوڭعى بەكىنىس – كيپردەگى بانكتەر ەدى. مۇندا, اسىرەسە, وسى بانكتەردىڭ ءوزى بانكروتتىق حالگە جەتكەننەن كەيىن شەگىنەر جەرى تاۋسىلدى. سونىڭ تولقىنىندا مۇحتار ءابىلازوۆتىڭ جىمداپ جاسىرعان اقشالارى دا اق ايدىننىڭ جۇزىنە انداعايلاپ شىعا كەلدى.
وسىلايشا ءابىلازوۆ سەكىلدى الاياقتاردىڭ قارجى قازانىنداعى سوڭعى قورعانىس قامالدارىنىڭ تاس-تالقانى شىقتى. بۇل تۇرعىدا شۆەيتساريا ءتىپتى ىلگەرى كەتتى. وندا تاياۋدا «سالىق ماسەلەلەرىندەگى حالىقارالىق كومەك تۋرالى» دەپ اتالاتىن جاڭا زاڭ كۇشىنە ەندى. مىنە, وسىعان وراي جوعارىدا ايتقانىمىزداي, ەندى مۇحتار ءابىلازوۆتىڭ تاقىرعا وتىراتىن كۇنى الىس ەمەس.قازىر قازاقستاننىڭ قۇقىق قورعاۋ ورگاندارى مۇحتار ءابىلازوۆتىڭ بتا بانك قارجىلارىن ۇرلاۋ, ۇيىمداسقان قىلمىستىق توپ قۇرىپ, وعان باسشىلىق جاساۋ, قىلمىستىق جولمەن الىنعان تابىستاردى جاسىرىپ, ونى سىرتقا اسىرىپ جىبەرۋ جانە بانك قاراجاتىن زاڭسىز پايدالانۋ فاكتىلەرى بويىنشا قىلمىستىق ىستەردى تەرگەۋدى جالعاستىرىپ جاتىر. 2009 جىلعى 6 ناۋرىزدا ابىلازوۆكە حالىقارالىق ىزدەۋ جاريالاندى. بۇدان بولەك, وعان رەسەي فەدەراتسياسى مەن ۋكراينانىڭ قۇقىق قورعاۋ ورگاندارى دا ءوز ەلدەرىنە قاتىستى بىرقاتار اۋىر قىلمىستار جاساعانى ءۇشىن ونى ىزدەستىرە باستادى.2012 جىلعى اقپاندا ۇلىبريتانيادا لوندون جوعارى سوتىنىڭ شەشىمىمەن سوتتى سىيلاماعانى ءۇشىن ابىلازوۆكە 22 اي مەرزىمگە تۇرمەگە وتىرۋ جازاسى كەسىلگەن. الايدا, ول انگليانىڭ سوت تورەلىگىن ورىنداۋدان قاشىپ كەتتى. ۇستىمىزدەگى جىلعى مامىردىڭ 28-نەن 29-نا قاراعان تۇندە يتاليا پوليتسياسىنىڭ ريم قالاسى ماڭىنداعى بولجامدى تۇرىپ جاتقان جەرىندە ءابىلازوۆتى انىقتاۋ مەن ۇستاۋ بويىنشا شارالار كەزىندە ونىڭ زايىبى الما شالاباەۆا مەن كامەلەتكە تولماعان قىزى الۋا ءابىلازوۆا تابىلدى. يتاليالىق قۇقىق قورعاۋ ورگاندارى ءابىلازوۆتى انىقتاۋ مەن ۇستاۋ بويىنشا شارالاردى ءالى دە جالعاستىرۋدا. ال ەۋروپادا قاشقىن بانكيردىڭ ءىسى بويىنشا سوت تەرگەۋلەرى ءجۇرىپ جاتىر. ەندى ونىڭ حالىقارالىق دەڭگەيگە جەتكىزگەن الاياقتىق سىزباسىنىڭ قيتۇرقىسىن زەرتتەۋگە يرلاند بيلىگى دە قوسىلدى. مىنە, ءابىلازوۆتىڭ بارار جەرى, باسار تاۋى قالمادى دەسەك تە بولادى.الماس بولاتوۆ.