زاڭ جالپىعا بىردەي دەكلاراتسيالاۋدى ەنگىزۋدى 2020 جىلعى 1 قاڭتاردان 2021 جىلعى 1 قاڭتارعا اۋىستىرۋدى جانە بۇدان ءارى كەزەڭ-كەزەڭىمەن كوشۋدى كوزدەيدى.
ءبىرىنشى كەزەڭدە – 2021 جىلعى 1 قاڭتاردان باستاپ جالپىعا بىردەي دەكلاراتسيالاۋ شەڭبەرىندەگى دەكلاراتسيانى جاۋاپتى مەملەكەتتىك لاۋازىمداعى ادامدار مەن ولاردىڭ جۇبايى (زايىبى);
مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدار مەن ولاردىڭ جۇبايى (زايىبى);
مەملەكەتتىك فۋنكتسيالاردى ورىنداۋعا ۋاكىلەتتىك بەرىلگەن ادامدارعا تەڭەستىرىلگەن ادامدار مەن ولاردىڭ جۇبايى (زايىبى);
«قازاقستان رەسپۋبليكاسىنداعى سايلاۋ تۋرالى» قازاقستان رەسپۋبليكاسىنىڭ كونستيتۋتسيالىق زاڭىنا جانە «سىبايلاس جەمقورلىققا قارسى ءىس-قيمىل تۋرالى», «قازاقستان رەسپۋبليكاسىنداعى بانكتەر جانە بانك قىزمەتى تۋرالى», «ساقتاندىرۋ قىزمەتى تۋرالى», «باعالى قاعازدار رىنوگى تۋرالى» قازاقستان رەسپۋبليكاسىنىڭ زاڭدارىنا سايكەس دەكلاراتسيا ۇسىنۋ جونىندەگى مىندەت جۇكتەلگەن ادامدار بولىپ تابىلاتىن جەكە تۇلعالار تاپسىرادى.
ەكىنشى كەزەڭدە – 2023 جىلعى 1 قاڭتاردان باستاپ مەملەكەتتىك مەكەمەلەردىڭ جۇمىسكەرلەرى مەن ولاردىڭ جۇبايى (زايىبى), سونداي-اق كۆازيمەملەكەتتىك سەكتور سۋبەكتىلەرىنىڭ جۇمىسكەرلەرى مەن ولاردىڭ جۇبايى (زايىبى) بولىپ تابىلاتىن جەكە تۇلعالار تاپسىرادى.
ءۇشىنشى كەزەڭدە - 2024 جىلعى 1 قاڭتاردان باستاپ زاڭدى تۇلعالاردىڭ باسشىلارى مەن قۇرىلتايشىلارى جانە ولاردىڭ جۇبايى, داراە كاسىپكەرلەر جانە ولاردىڭ جۇبايى تاپسىرادى.
ءتورتىنشى كەزەڭدە - 2025 جىلعى 1 قاڭتاردان باستاپ ازاماتتاردىڭ قالعان ساناتتارى دەكلاراتسيا تاپسىرادى.