مەملەكەت باسشىسىنا ترانسۇلتتىق كومپانيانىڭ ەنەرگەتيكا جانە مۇناي-حيميا سالالارىنداعى جوبالاردى جۇزەگە اسىرۋى جونىندە مالىمەت بەرىلدى. بۇل تۋرالى اقوردانىڭ ءباسپاسوز قىزمەتى حابارلادى.
– Shell كاسىپورنى قاشاعان, كاراشىعاناق, كاسپي قۇبىر جەلىسى كونسورتسيۋمى سياقتى ءىرى جوبالارعا بەلسەندى قاتىسۋدا. ءسىزدىڭ شەتەلدىك ينۆەستورلار كەڭەسىنە قاتىسقانىڭىزعا قۋانىشتىمىن. بۇل ءبىزدىڭ ىنتىماقتاستىعىمىزعا وڭ ىقپال ەتەدى, – دەدى قازاقستان پرەزيدەنتى.
كومپانيا باسشىسى بىرلەسكەن جوبالاردى ودان ءارى جەمىستى ىسكە اسىرۋعا سەنىم ءبىلدىردى.
– ءبىز قازاقستانمەن ءوزارا ءتيىمدى سەرىكتەستىكتى جالعاستىرۋدى جانە مىندەتتەمەلەرىمىزدىڭ ءبارىن ورىنداۋدى كوزدەيمىز. الداعى ۋاقىتتا ەلىڭىزدەگى بىرلەسكەن جوبالاردىڭ ءوندىرۋ كورسەتكىشتەرىن ارتتىرۋدى جوسپارلاپ وتىرمىز, – دەدى بەن ۆان بەردەن.