فرونت-كەڭسەگە ءۇش اۋىل تۇرعىنى كەلىپ, جۇمىسسىزدىق ماسەلەسى بويىنشا جۇگىنگەن بولاتىن. ءتارتىپ ساقشىلارى ازاماتتاردىڭ كاسىپ تابۋىنا كومەكتەستى. اتاپ ايتساق, اۋدان تۇرعىنى دانيار مۇحامەدجانوۆ پوليتسيا باستىعىنا ءبىراز ۋاقىتتان بەرى جۇمىسسىز جۇرگەنىن جەتكىزەدى. مۇحامەدجانوۆتىڭ ماسەلەسىن مۇقيات تىڭداپ, ونىڭ جەكە مالىمەتتەرىن قاراي كەلە ءبولىمنىڭ اۋلا تازالاۋشى رەتىندە جۇمىسقا الادى. اۋداندىق جۇمىسپەن قامتۋ ورتالىعى مەن اكىمدىككە حابارلاسىپ, دانيار مۇحامەدجانوۆ 1 شىلدەدەن باستاپ اۋلا تازالاۋشى رەتىندە جۇمىسقا قابىلداۋ سۇراقتارى شەشىلدى. تاعى ءبىر اۋدان تۇرعىنى بەكبولات اكىمجان فرونت-كەڭسە تۋرالى جانكەلدين اۋدانى پوليتسيا ءبولىمىنىڭ Instagram پاراقشاسىنان وقىپ, جۇمىس سۇراي كەلگەن. بەكبولاتتىڭ قۇجاتتارىمەن جانە جۇمىس وتىلىمەن تانىسا كەلە ونى پوليتسيا ءبولىمنىڭ اكىمشىلىك پوليتسيا بولىمشەسىنىڭ كوشى-قون قىزمەتى توبىنىڭ ينسپەكتورى لاۋازىمىنا تاعايىنداۋ ءۇشىن قۇجاتتارى قابىلداندى. سونىمەن قاتار اۋدان تۇرعىنى ءابي ەرۋباەۆ ەسىمدى ازامات تا جۇمىسسىزدىق ماسەلەسىمەن جۇگىنگەن. ول قر قارۋلى كۇشتەر قاتارىندا بورىشىن وتەگەن, زاڭگەر ماماندىعى بويىنشا جوعارى ءبىلىمى بار. پوليتسيا ءبولىمىنىڭ باستىعىنا ءومىربايانىن بايانداپ, قاجەتتى قۇجاتتاردى كورسەتتى. تالعات ءسابيت ۇلى پوليتسيا ءبولىمى باستىعىنىڭ كادر ساياساتى جونىندەگى ورىنباسارى, پوليتسيا كاپيتانى الماس مۇقاتوۆقا ءا.ەرۋباەۆتىڭ قۇجاتتارىن زەردەلەپ, قوستاناي وبلىستىق پوليتسيا دەپارتامەنتى جاريالايتىن كەلەسى كونكۋرسقا قۇجاتتاردى جولداۋ كەرەكتىگىن ايتتى. سونداي-اق قر ءىىم جۇمىسقا قابىلداۋ تارتىپتەرى مەن تالاپتارىن ءتۇسىندىرىپ, كەڭ كولەمدە اقپارات بەرىلدى.