اۋداندا ۇلتتىق دومبىرا جانە «ەلوردا كۇنىنە» ارنالعان مەرەكەدە 1000 دومبىراشى ءبىر مەزگىلدە حالىق كۇيى «كەلىنشەكتى» جانە قۇرمانعازىنىڭ «بالبىراۋىنىن» تارتتى. باتپاققارانىڭ دالاسىن كۇي تەربەگەندەي بولدى. ون ەمەس, ءجۇز ەمەس نەمەسە 500 ەمەس, 1000 دومبىراشى وينايتىن وركەستردى دايىنداۋ وڭاي ەمەس ەدى. وعان اۋدانعا بەلگىلى مۋزىكا مامانى ولجاس قىلدىباەۆ ديريجەرلىك جاسادى.
– بۇل اۋدان اكىمى ءامىرحان اسانوۆتىڭ تىكەلەي باستاماسى بولاتىن. وعان تابانى كۇرەكتەي التى اي بويى دايىندىق جۇمىستارى جۇرگىزىلدى. ءار اۋىلدارداعى كلۋب قىزمەتكەرلەرى, مەكتەپتەردەگى دومبىرا ۇيىرمەلەرىنە جەتەكشىلىك ەتەتىن مۋزىكا ءپانىنىڭ مۇعالىمدەرى بەلسەنە قاتىستى. ماقساتقا قول جەتكىزدىك, كۇيلەردى مىڭ دومبىراشى ءساتتى ورىنداپ شىقتى» دەيدى اۋداندىق مادەنيەت جانە تىلدەردى دامىتۋ ءبولىمىنىڭ باسشىسى ساعىنعالي سەيدين.
مامىر ايىندا اۋداندا وتكەن قىزعالداق فەستيۆالىندە دە 500 دومبىراشى كۇي تارتقان بولاتىن. سول كەزدە «ۇلتتىق دومبىرا كۇنى» «قاتارىمىز مىڭعا تولادى» دەگەن ەدى دومبىراشىلار. مىنە, ەندى اۋداندا مىڭ دومبىراشى بار. ولاردىڭ اراسىندا مەكتەپ وقۋشىسىنان باستاپ, ەڭبەك ارداگەرلەرىنە دەيىن وتىردى.
قوستاناي وبلىسى,
امانگەلدى اۋدانى