ماقساتتى گرانتتار ءبولۋ بويىنشا
جوو-لاردا وقۋ ءۇشىن كوپ بالالى وتباسىلار مەن اتاۋلى الەۋمەتتىك كومەكتى الاتىن وتباسىلاردان شىققان بالالار ءۇشىن قوسىمشا 5 مىڭ ماقساتتى گرانت بولىنەدى. گرانتتار ترانسفەرتتەرمەن جەرگىلىكتى اتقارۋشى ورگاندارعا بەرىلەدى. اكىمدىكتەر ءوڭىر قاجەتتىلىكتەرىن ەسكەرۋمەن دايارلاۋ باعىتتارىنىڭ ءتىزىمىن ايقىندايدى.
رەسپۋبليكالىق ماڭىزى بار وبلىستاردىڭ, قالالاردىڭ جانە ەلوردانىڭ اكىمدەرى كونكۋرستىق كوميسسيا قۇرادى. كونكۋرسقا قاتىسۋدىڭ مىندەتتى شارتى - ۇبت-نىڭ شەكتى باللىن جيناۋ.
«الدىمەن 53 785 نەگىزگى گرانتقا رەسپۋبليكالىق كونكۋرس وتكىزىلەدى. كوپ بالالى وتباسىلار مەن اتاۋلى الەۋمەتتىك كومەكتى الاتىن وتباسىلاردان شىققان, نەگىزگى كونكۋرس ناتيجەلەرى بويىنشا گرانتقا يە بولماعان ابيتۋريەنتتەر قوسىمشا ماقساتتى گرانتتار بويىنشا كونكۋرسقا قاتىسۋ ءۇشىن جەرگىلىكتى اتقارۋشى ورگاندارعا ءوتىنىش بەرە الادى», — دەدى ا. ايماعامبەتوۆ.
قوسىمشا گرانتتار بويىنشا كونكۋرسقا وتىنىشتەر قابىلداۋ 5 جانە 10 تامىز ارالىعىندا جۇرگىزىلەدى. گرانتتار 25 تامىزعا دەيىن تاعايىندالادى. گرانت يەگەرلەرىنىڭ ءتىزىمىن اكىمدىكتەر جەرگىلىكتى بۇقارالىق اقپارات قۇرالدارىندا جاريالايدى.
بارلىق گرانت يەگەرلەرىنە 20 949 تەڭگە كولەمىندە شاكىرتاقى تاعايىندالادى, سونداي-اق كانيكۋل كەزىندە جىلىنا 2 رەت جول ءجۇرۋ ءۇشىن (4 اەك) وتەماقى مەن جاتاقحانادا ورىن الۋ ءۇشىن ءبىرىنشى رەتتەگى كەزەك بەرىلەدى.
جۇمىسشى بىلىكتىلىكتەرى بويىنشا وقيتىن ستۋدەنتتەردىڭ شاكىرتاقىسىن ارتتىرۋ بويىنشا
2017 جىلدان بەرى «بارشاعا ارنالعان تەگىن تجكب» جوباسى ىسكە اسىرىلۋدا. كوللەدجدەردە جۇمىسشى بىلىكتىلىكتەرى بويىنشا 122 مىڭ ادام وقيدى. الەۋمەتتىك كەپىلدىك تۇرىندە ءبىر رەتتىك ىستىق تاماق (كۇنىنە 350 تەڭگە), كانيكۋل كەزىندە جىلىنا 2 رەت جول ءجۇرۋ ءۇشىن 4 اەك (10 100 تەڭگە) كولەمىندە وتەماقى جانە 16 759 كولەمىندە شاكىرتاقى قاراستىرىلعان.
جۇمىسشى بىلىكتىلىكتەرى بويىنشا وقيتىن ستۋدەنتتەردىڭ 70%-ى الەۋمەتتىك سەزىمتال تۇرعىندار ساناتىنان. جالپى, ستۋدەنتتەردى قولداۋ ءۇشىن مەملەكەت باسشىسى شاكىرتاقى كولەمىن 30%-عا كوتەرۋدى تاپسىردى. وسىلايشا, جاڭا وقۋ جىلىندا شاكىرتاقى كولەمى 21 787 قۇرايتىن بولادى.
تالانتتى بالالار مەن جاسوسپىرىمدەردى ىزدەۋ, ولاردى وقىتۋ جانە جوو-لارعا تۇسۋگە دايىنداۋ بويىنشا
قازىرگى كەزدە «قازاقستاننىڭ دارىندى بالالارى» دەرەكتەر بازاسى قۇرىلعان, وندا 26,5 مىڭ وقۋشىنىڭ - رەسپۋبليكالىق جانە حالىقارالىق وليمپيادالار مەن عىلىمي جوبالار كونكۋرستارىنىڭ جەڭىمپازدارى مەن جۇلدەگەرلەرى تۋرالى مالىمەتتەرى بار.
تالانتتاردى انىقتاۋ جانە اۋىلدار مەن شاعىن قالالاردان شىققان بالالاردى قامتۋدى كەڭەيتۋ ماقساتىندا قر بعم قر تۇڭعىش پرەزيدەنتى قورىمەن دارىندى بالالاردى قولداۋدىڭ جاڭا تۇجىرىمداماسىن ازىرلەدى. اۋىل جانە شاعىن قالالاردىڭ مەكتەپتەرىنەن شىققان بالالارعا ەرەكشە كوڭىل بولىنەتىن بولادى. ىرىكتەۋ كريتەريى تەوريالىق ءبىلىمدى ەمەس, لوگيكالىق ويلاۋ مەن پراكتيكالىق داعدىلاردى يگەرۋىن باعالاۋ بولماق.
«مەكتەپكە جول» جالپى رەسپۋبليكالىق اكتسياسىن قوعامداستىق پەن دەمەۋشىلەردى تارتۋ ارقىلى كەڭەيتۋ بويىنشا
قر ءبىلىم جانە عىلىم مينيسترلىگى بيىل «مەكتەپكە جول» رەسپۋبليكالىق قايىرىمدىلىق اكتسياسى بويىنشا قوسىمشا شارالار قابىلدايتىن بولادى, اكتسيا 2008 جىلدان بەرى جىل سايىن ەلىمىزدىڭ بارلىق وڭىرلەرىندە وتكىزىلىپ كەلەدى.
«بيىل اكتسيا ءبىر اي ەرتە, ياعني 1 شىلدەدەن باستالادى. كومەككە مۇقتاج بالالاردى بارىنشا قامتۋ ماقساتىندا جىلجىمالى پۋنكتتەر, سونداي-اق ەرىكتىلەردى تارتۋمەن ءموبيلدى توپتار ۇيىمداستىرىلادى», — دەدى ا. ايماعامبەتوۆ.