قازاق ءتىلى مەن ادەبيەتى بويىنشا وتەتىن وليمپياداعا قازاق دياسپوراسىنىڭ وكىلدەرى تۇراتىن مەملەكەتتەردەگى جالپى ءبىلىم بەرەتىن مەكەمەلەردىڭ دارىندى بالالارى قاتىسا الادى. بيىلعى وليمپياداعا يران, وزبەكستان, تۇرىكمەنستان, قىرعىزستان, مونعوليا, قىتاي, رەسەي فەدەراتسياسىنىڭ - سامارا, ومبى جانە التاي ولكەسىنەن قۇراما كوماندالار قاتىسادى دەپ كۇتىلۋدە. قازىرگى ۋاقىتتا تىركەلگەن قاتىسۋشىلار سانى - 62 وقۋشى جانە 13 جەتەكشى.
حالىقارالىق وليمپيادانىڭ قازىلار القاسىنىڭ توراعاسى, حالىقارالىق قازاق ءتىلى قوعامىنىڭ پرەزيدەنتى, اكادەميك ومىرزاق ايتباي ۇلى جانە جوعارعى وقۋ ورىندارىنىڭ عالىمدارى مەن ءبىلىم قايراتكەرلەرىنەن قۇرالعان.
وليمپيادانىڭ جەڭىمپازدارى مەن جۇلدەگەرلەرى قازاقستان رەسپۋبليكاسى ءبىلىم جانە عىلىم ءمينيسترىنىڭ I, II, III دارەجەلى ديپلومدارىمەن, مەدالدارىمەن جانە «دارىن» رعپو گراموتالارىمەن ماراپاتتالادى. سونىمەن قاتار جەڭىمپاز جانە جۇلدەگەر اتانعان شەتتەگى قانداستارىمىزدىڭ بالالارىنا جىل سايىن قولداۋ تانىتىپ, قازاقستان رەسپۋبليكاسىنىڭ جوعارعى وقۋ ورىندارىنىڭ رەكتورلارى ءوز گرانتتارىن تابىستايدى.
وليمپيادانىڭ سالتاناتتى اشىلۋ ءراسىمى 2019 جىلعى 3 شىلدە كۇنى ساعات 10.00-دە اتىراۋ وبلىسىنىڭ اكىمى ن.نوعاەۆتىڭ قاتىسۋىمەن قۇرمانعازى اتىنداعى مادەنيەت سارايىندا; سالتاناتتى جابىلۋى, ياعني جەڭىمپازدار مەن جۇلدەگەرلەردى ماراپاتتاۋ ءراسىمى 6 شىلدە كۇنى ساعات 11.00-دە قۇرمانعازى اتىنداعى مادەنيەت سارايىندا وتەدى.