مەملەكەت باسشىسىنا تەمىر جول كولىگى سالاسىنىڭ قازىرگى دامۋ جاعدايى جانە كەلەشەگى تۋرالى اقپارات بەرىلدى. بۇل تۋرالى اقوردانىڭ ءباسپاسوز قىزمەتى حابارلادى.
قاسىم-جومارت توقاەۆ ەلىمىزدىڭ كولىك-لوگيستيكالىق الەۋەتىن ارتتىرۋ, ەكسپورت جانە ترانزيت تاسىمالدارىن ۇلعايتۋ, كولىك قىزمەتىنىڭ ساپاسىن جاقسارتۋ قاجەتتىگىنە نازار اۋداردى.
ساۋات مىڭباەۆ تۇركىستان وبلىسى ارىس قالاسىنداعى توتەنشە جاعداي كەزىندە جولاۋشىلار مەن جۇك تاسىمالدارىن ۇيىمداستىرۋ جونىندەگى قابىلدانعان شارالار تۋرالى باياندادى. سونىمەن قاتار, «قتج» ۇك» اق باسشىسى كونتەينەرلىك تاسىمالدار سالاسىنداعى جاعداي, جولاۋشىلارعا قىزمەت كورسەتۋدى جاقسارتۋ ءۇشىن جۇرگىزىلىپ جاتقان جۇمىستار, وپەراتسيالىق ىركىلىستەردى ازايتۋ تۋرالى مالىمەت بەردى.
كەزدەسۋ قورىتىندىسى بويىنشا قازاقستان پرەزيدەنتى بىرقاتار ناقتى تاپسىرما بەردى.