دالاداعى ءدارىس

وسى تاعىلىمدى شارا بيىل دا جالعاسىن تاۋىپ, ەلىمىزدىڭ ءار وڭىرىندەگى ءدىن سالاسىندا ەڭبەك ەتىپ جۇرگەن بەلسەندى جاستار ال­تاي اۋدانىنداعى سەرەبريانكا قالا­سىنىڭ ىرگەسىندەگى بۇلاعى سىل­دىراپ اققان, اينالاسى جاسىل جەلەككە ورانعان, بىرنەشە كيىز ءۇي تىگىلگەن تاۋدىڭ باۋرايىن­دا باس قوستى. «كۇمىسبۇلاق (سە­رە­بريانكا) قالاسىنىڭ ما­ڭىن­­داعى بۇل سەمينار ەكىنشى ءمار­تە ۇيىمداستىرىلىپ وتىر. بيىلعى قوناقتارىمىز قازاقستان مۇسىلماندارى ءدىني باس­قار­ماسىنىڭ جاستار سەكتورىنا قاراستى كىلەڭ جاس ازاماتتار. جاستار جىلىنا وراي قولعا الى­نىپ وتىرعان شارامىزدىڭ تاعى ءبىر ماقساتى – ءار وڭىردە قور­دالانعان ماسەلەلەردى بىرلەسە شەشۋ, بىرىزدىلىككە ءتۇسىرۋ. سون­داي-اق شىعىستىڭ تۇمسا تابي­عاتىن وزگە وڭىرلەرگە ناسيحاتتاۋ», دەيدى وسكەمەندەگى «حاليفا التاي» مەشىتىنىڭ ءبىرىنشى نايب-يمامى داۋلەت تىلەۋحان ۇلى.

شارا بارىسىندا ەلىمىزدىڭ تۇك­پىر-تۇكپىرىنەن كەلگەن قوناقتار ءبىر-بىرىمەن جاقىن تانىسىپ, پىكىر الماسىپ قانا قويماي, جاسىل جەلەك ۇستىنە جايىلعان كىلەمگە شىعىپ, قازاق كۇرەسىنەن, وزگە دە سپورت تۇرلەرىنەن سايىسقا ءتۇستى. اراسىندا وسكەمەننەن ار­­­نايى كەلگەن مۇراتحان كەن­جەحان, داۋلەتبەردى جەكەي سىن­دى اقىنداردىڭ وقىعان ولە­ڭىن تىڭ­دادى.  دالا توسىندەگى سەمي­نارعا ەلىمىزدىڭ ءار وڭىرىنەن 70-كە جۋىق جاس كەلىپتى. «مۇندا كەلگەن جاستار تازا تابيعات قۇشاعىندا سالاماتتى ءومىر ءسۇرۋ ءۇشىن جۇمىس ىستەپ جاتسا, ەكىنشى ءبىر جاعىنان ءدىني ساۋاتىن جەتىلدىرۋدە. بۇگىنگى تاڭدا جاستاردىڭ دىنگە بەت بۇرۋى وتە جاقسى دەڭگەيدە. مەشىت جا­ماعاتىنىڭ 70 پايىزىن وسى جاس­تار قۇرايدى. بىراق ولاردىڭ ءبارى ءدىني ساۋاتتى دەپ ايتۋ قيىنداۋ. سوندىقتان ءبىز وسىنداي شارالار ار­قىلى ءبىر-بىرىمىزبەن وي ءبولىسىپ, تاجىريبە الماسىپ جاتىرمىز», دەيدى نۇر-سۇلتان قالالىق ءدىن باس­قارماسى جاستار ءىسى سەكتورىنىڭ مەڭگەرۋشىسى ءادى­لەت كوپەن.

شىعىس قازاقستان وبلىسى,

التاي اۋدانى