ونى ۇيىمداستىرۋشى ءالنۇر ىلياشەۆ جينالعان 200-گە جۋىق ادامدى ميتينگتى وتكىزۋ ەرەجەلەرىن ساقتاۋعا شاقىردى. جيىن تىنىش جاعدايدا ءوتىپ جاتىر.
ءسوز سويلەۋشىلەر جۇك كولىگىنىڭ كۋزوۆىندەگى مىنبەرگە كەزەك-كەزەگىمەن كوتەرىلۋدە. ولار بيلىكتىڭ قوعاممەن ديالوگىن, ميتينگىلەردى وتكىزۋگە وزگە ورىندى, شەتەلدىك جۇمىس كۇشىن جۇمىلدىرۋ تۋرالى زاڭنىڭ ساقتالۋىن سۇراۋدا. جاقىن جەردە پوليتسەيلەر, جەدەل جاردەم كولىكتەرى مەن ءورت ءسوندىرۋ قىزمەتتەرى كەزەكشىلىك ەتۋدە.
ەسكە سالايىق, نۇر-سۇلتان مەن الماتى قالالارىنىڭ جەرگىلىكتى اتقارۋشى ورگاندارى «قازاقستان رەسپۋبليكاسىندا بەيبىت جينالىستار, ميتينگىلەر, شەرۋلەر, پيكەتتەر جانە دەمونستراتسيالار ۇيىمداستىرۋ مەن وتكىزۋ ءتارتىبى تۋرالى» زاڭنىڭ 4-بابىنا سايكەس, 2019 جىلدىڭ 30 ماۋسىمى كۇنى بەيبىت ميتينگىلەر وتكىزۋگە رۇقسات ەتكەن بولاتىن. ولاردىڭ ورنى الدىن الا بەلگىلەندى. بۇعان دەيىن پروكۋراتۋرا ميتينگىلەردى وتكىزۋ ەرەجەلەرىن ەسكە سالعان بولاتىن.