قازاقستاندىق بوكسشى سادريددين احمەدوۆ كاسىبي مانسابىندا توعىزىنشى جەكپە-جەگىن وتكىزدى. بۇل تۋرالى Sports.kz حابارلادى.
تەتفور ميندە (كانادا) وتكەن بوكس كەشىندە 21 جاستاعى قازاقستاندىق بوكسشى رينگتە مەكسيكالىق دانيەل ۆەگا كوتامەن (14-3-1, 11 كو) كەزدەستى. ويىننىڭ 90 سەكۋندىندا سادريددين قارسىلاسىن تەحنيكالىق نوكاۋتپەن جەڭدى. بۇل احمەدوۆتىڭ كاسىپقوي رينگتەگى توعىزىنشى جەڭىسى, سونىڭ ىشىندە سەگىزىن مەرزىمىنەن بۇرىن اياقتاعان. ال كوتا مانسابىندا ءتورتىنشى رەت جەڭىلدى.
ەسكە سالا كەتەيىك, سادريددين احمەدوۆ اۋەسقوي بوكستا جاستار اراسىنداعى الەم چەمپيونى اتاعىن جەڭىپ العان. كاسىپقوي بوكستا ەكى تيتۋل - ءبىرىنشى ورتا سالماقتاعى WBC «جاستار» بەلبەۋىن جانە وسى ديۆيزيوندا WBC Asia بەلبەۋىن يەلەندى.