سەيسەنبى, 19 ناۋرىز 2013 1:18
الماتى قالاسى اۋەجايىنىڭ كولىكتەگى ءىىد جەلىلىك پوليتسيا بولىمىنە «Air Astana» اق پرەزيدەنتى پيتەر فوستەر كەلىپ, «Air Astana» اق اۋە كەمەسىنەن جالپى قۇنى 5 ميلليون 439 مىڭ 507 تەڭگە تۇراتىن «IPad» ماركالى 28 پلانشەت بار 2 اربانى بەلگىسىز بىرەۋلەر ۇرلاپ كەتكەندىگىن ايتىپ, ارىزداندى. سودان اتالعان دەرەك بويىنشا قك 175-بابى 4-بولىگىنىڭ «ب» تارماعىنا سايكەس قىلمىستىق ءىس قوزعالدى. الماتى قالاسى اۋەجايىنىڭ جەلىلىك پوليتسيا ءبولىمىنىڭ قىزمەتكەرلەرى الدىن الا جەدەل-ىزدەستىرۋ شاراسى بارىسىندا «Air Astana» كومپانياسىنىڭ 27 جانە 28 جاستاعى ەكى قىزمەتكەرىن اۋىر قىلمىس جاسادى دەگەن كۇدىكپەن قاماۋعا الدى. بۇعان زاتتاي ايعاقتار بار, دەپ حابارلادى كولىكتەگى ءىىد ءباسپاسوز قىزمەتى.