بەيسەنبى, 14 اقپان 2013 7:03
2012 جىلى وبلىستىڭ قاداعالاۋ ورگانى باقىلاعان جايلار مەن جۇرگىزگەن جۇمىستاردى سارالاپ, قىلمىس پەن زاڭ بۇزۋشىلىققا بايلانىستى وبلىس ءوڭىرىنىڭ بىلتىرعى كورىنىسىن كوز الدىمىزعا ەلەستەتسەك, جان شوشيدى. بىلتىر وبلىستا 23109 قىلمىس تىركەلگەن, بۇل الدىڭعى 2011 جىلمەن سالىستىرعاندا 50 پايىزعا كوپ دەگەن ءسوز.
بەيسەنبى, 14 اقپان 2013 7:03
2012 جىلى وبلىستىڭ قاداعالاۋ ورگانى باقىلاعان جايلار مەن جۇرگىزگەن جۇمىستاردى سارالاپ, قىلمىس پەن زاڭ بۇزۋشىلىققا بايلانىستى وبلىس ءوڭىرىنىڭ بىلتىرعى كورىنىسىن كوز الدىمىزعا ەلەستەتسەك, جان شوشيدى. بىلتىر وبلىستا 23109 قىلمىس تىركەلگەن, بۇل الدىڭعى 2011 جىلمەن سالىستىرعاندا 50 پايىزعا كوپ دەگەن ءسوز.
قوستاناي وبلىسى حالقىنىڭ سانى ءالى ميلليونعا جەتكەن جوق. بىراق وتكەن جىلعى تىركەلگەن قىلمىستىڭ كورسەتكىشى جاعىنان قوستاناي تۇرعىندارىنىڭ سانى ميلليوننان اسىپ كەتكەن وبلىستاردى ارتقا تاستاپ, ءتورتىنشى ورىنعا كوتەرىلىپ تۇر. ءتىپتى قىلمىستىڭ يندەكسىنە قاراساق, قوستاناي قالاسى استانا, الماتى سياقتى ءىرى ورتالىقتاردان كەيىن ءۇشىنشى ورىنعا شىعىپتى. ەگەر ەلىمىزدە ءار ون مىڭ تۇرعىنعا 264 قىلمىستان كەلسە, قوستاناي قالاسىندا كورسەتكىش ءار ون مىڭ تۇرعىنعا 521-دەن كەلەدى. بۇل رەسپۋبليكا بويىنشا قىلمىستىڭ ەڭ جوعارعى كورسەتكىشتەرىنىڭ ءبىرى. سونداي-اق, وبلىس ورتالىعىنان كەيىن رۋدنىي قالاسى, شالعايداعى دەنيسوۆ, قاراسۋ, شەكاراعا جاقىن جاتقان جىتىقارا, قارابالىق جانە قوستانايدىڭ ىرگەسىندەگى وسى اتتاس اۋدانداردا قىلمىس دەڭگەيى تىپتەن جوعارى. بۇل كورسەتكىشتەر ەلىمىزدەگى ءوندىرىستى قالالاردىڭ ءوزىن ارتقا تاستايدى. قوعامدىق ورىنداردا جاسالعان قىلمىستىڭ سانى ەكى ەسە كوبەيگەن, ءار ءتورتىنشى قىلمىستى ىشىمدىك ءىشىپ, ماساڭ قالىپتاعى ادام جاساعان, ال ءار ءۇشىنشى قىلمىس بۇرىن سوتتالعان ادامدارعا تيەسىلى. پاتەر توناۋ 46 پايىزعا وسكەن.
سونىمەن قاتار, قوعامدىق ورىنداردا ازاماتتاردىڭ قارۋ قولدانۋىنىڭ جيىلەۋى دە الاڭداتادى. ول وتكەن جىلمەن سالىستىرعاندا 32 پايىزعا وسكەن. ال انىقتالعان كوررۋپتسيالىق قۇقىق بۇزۋشىلىقتىڭ سانى جونىنەن دە قوستاناي الدىنا قارا سالماي تۇر. وتكەن جىلى وبلىستا سىبايلاس جەمقورلىق سيپاتىنداعى 112 قىلمىس تىركەلگەن.
وسىلايشا كوڭىل قۇلازىتار كورسەتكىشتەر بولا تۇرا وبلىستا قىلمىستىڭ اشىلۋى 15 پايىزعا تومەندەگەن. ەندى بۇعان نە امال بار؟
ءنازيرا جارىمبەتوۆا,
«ەگەمەن قازاقستان».