ولاردىڭ ساپىندا رەسەي عىلىم اكادەمياسىنىڭ جالپى تاريح ينستيتۋتىنىڭ ديرەكتورى ميحايل ليپكين, شانحاي قوعامدىق عىلىمدار اكادەمياسىنىڭ رەسەي جانە ورتالىق ازيانى زەرتتەۋ ورتالىعىنىڭ ديرەكتورى داۆەي پان, وزبەكستان پرەزيدەنتى جانىنداعى ستراتەگيالىق جانە ايماقارالىق زەرتتەۋلەر ينستيتۋتىنىڭ ديرەكتورى ەلدور اريپوۆ, قىرعىز رەسپۋبليكاسىنىڭ بۇرىنعى مەملەكەتتىك حاتشىسى وسموناكۋن يبرايموۆ, امەريكاندىق ساياساتكەر ءارى جۋرناليست كوەن اريەل, ءازىربايجان رەسپۋبليكاسى ميللي ءماجىلىسىنىڭ دەپۋتاتى, ءازىربايجان مەملەكەتتىك باسقارۋ اكادەمياسىنىڭ ساياسي زەرتتەۋلەر ينستيتۋتىنىڭ ديرەكتورى ەلمان ناسيروۆ سەكىلدى تانىمال ساراپشىلار بار.
شەتەلدىك قوناقتار نۇرسۇلتان نازارباەۆتىڭ پوستكەڭەستىك كەڭىستىكتە جانە الەمدىك ساياسي ارەنادا تاجىريبەسى زور, ستراتەگيالىق كوزقاراسى مەن تۇيسىگى تەرەڭ ناعىز قايراتكەر ەكەندىگىن, شىعارماشىلىق ويلاۋ دارىنى كەمەل, وزىق يدەيالى ناعىز ليدەر ەكەنىن العا تارتىپ, الەمدىك ەكونوميكاداعى داعدارىستارعا قاراماستان, ەلىمىزدىڭ جان-جاقتى ورلەۋى ءارى قاراي ورىستەي بەرۋىن تىلەدى.
ەسكە سالساق, اتالعان كونفەرەنتسيادا قوعامنىڭ تۇراقتى دامۋىنداعى, ەلىمىزدىڭ ەكونوميكالىق جانە الەۋمەتتىك-ساياسي جاڭعىرۋىنداعى ەلباسىنىڭ قىزمەتى مەن باستامالارىنىڭ جانە ونىڭ بارشا الەمدە جاھاندىق قاۋىپسىزدىك پەن سەنىم احۋالىن جاساقتاۋداعى ءرولى سارالانعان بولاتىن.
الماتى