باتىس قازاقستان وبلىسىنداعى زەلەنوۆ اۋدانى ورتالىعىنان 100 شاقىرىم جەردە ورنالاسقان, 100 ءتۇتىنى بار, بۇيىعى ءومىر كەشىپ جاتقان شاعىن چيروۆ اۋىلىندا جاڭا جىلعا ساناۋلى عانا ۋاقىتتار قالعاندا جانتۇرشىكتىرەرلىك وقيعا ورىن الدى.
45 جاستاعى ەرلى-زايىپتىلار ورال قالاسىنداعى جەتىم بالالار ۇيىنەن 15 جاسار ەر بالانى پاتروناتتىق تاربيەلەۋگە العان ەدى. العاشقىدا ءبارى دە ويداعىداي كورىنگەنىمەن, ۋاقىت وتە كەلە الگى بالانىڭ بەيادەپ ءجۇرىس-تۇرىسى كوبەيەدى, ۇلكەندەردىڭ ايتقانىنا كونبەيتىن مىنەزدەر شىعارا باستايدى, تاربيەلەۋگە العان اناسىنىڭ ايتقان اقىلىن باسقاشا قابىلدايدى.
اناسى بۇعان كەشىرىممەن قاراپ, ءالى جاس قوي, بارا-بارا تۇسىنەر, اقىلعا كەلەر دەگەن ويدىڭ جەتەگىندە جۇرە بەرەدى. كۇيەۋى ۇنەمى تىستا, كۇنكورىستىڭ قامىمەن, ناپاقا تابۋ ءۇشىن جالدانىپ جۇمىس ىستەيدى. سونان جەلتوقساننىڭ سوڭعى كۇنى تاڭەرتەڭگىلىك بۇل ۇيدەن سىرتقا شىققان ءتىرى جان كورىنبەگەن سوڭ, سەبەپ-سالدارىن بىلمەكشى بولىپ ۇيگە باس سۇققان كورشىلەرى قانعا بوككەن دەنەلەردى كورگەندە, ەستەرىنەن تانادى. قانىپەزەر ەشكىمدى دە اياماپتى. بىرەۋ ءۇي يەسىنىڭ زايىبىن, ياعني 45 جاسار گ. ەسىمدى كەلىنشەكتى ءۇش جاسار قىزىمەن قوسا بالتالاپ تاستاعان. ءۇيدىڭ ءىشى استان-كەستەن, قىزىل الا قان. سويتسە, كەيىن پوليتسيا انىقتاعانداي, مۇنىڭ ءبارىن ىستەگەن الگى پاتروناتتىق تاربيەلەۋگە الىنعان ۆ. ەسىمدى كامەلەتكە تولماعان بالا كورىنەدى…
فاتيحوللا ماشتاحوۆ,باتىس قازاقستان وبلىسىىشكى ىستەر دەپارتامەنتىنىڭ قىزمەتكەرى.