فورۋم اياسىندا «يادرولىق جانە رادياتسيالىق فيزيكا» ءداستۇرلى 12-ءشى حالىقارالىق كونفەرەنتسياسى, «مەديتسينا, ونەركاسىپ جانە اۋىل شارۋاشىلىعىنداعى يادرولىق جانە رادياتسيالىق تەحنولوگيالار» 1-ءشى حالىقارالىق كونفەرەنتسياسى, سونداي-اق «يادرولىق رەاكتسيالار بويىنشا ازيالىق دەرەكتەر بازاسىن دامىتۋ» 10-شى اەحا (ماگاتە) سەمينارى وتەدى. «يادرولىق جانە رادياتسيالىق فيزيكا» ءداستۇرلى حالىقارالىق كونفەرەنتسياسى يادرولىق فيزيكا, اتوم ەنەرگياسى, قاتتى دەنە فيزيكاسى, رادياتسيالىق ماتەريالتانۋ, رادياتسيالىق ەكولوگيا, يادرو-فيزيكالىق تالداۋ ادىستەرى سالاسىنداعى وزەكتى ماسەلەلەردى تالقىلاۋعا ارنالادى. يادرولىق فيزيكا ينستيتۋتىندا كوپتەگەن جىلدار بويى مەديتسينا مەن ونەركاسىپتەگى يادرولىق جانە رادياتسيالىق تەحنولوگيالار ازىرلەنىپ كەلەدى. 2017 جىلى مامانداندىرىلعان راديوفارمپرەپاراتتاردى ءوندىرۋ كورپۋسىنان جانە رادياتسيالىق ستەريليزاتسيالاۋ كورپۋسىنان تۇراتىن يادرولىق مەديتسينا جانە بيوفيزيكا ورتالىعىنىڭ وبەكتىلەرىن پايدالانۋعا بەرۋ باستالدى. 2018 جىلى راديوفارمپرەپاراتتاردى ءوندىرۋ الاڭى GMP ءتيىستى وندىرىستىك تاجىريبەسىنە سايكەستىگىنە سەرتيفيكاتتالدى. ءبىر فوتوندىق ەميسسيالىق توموگرافيا جانە پوزيتروندى-ەميسسيالىق توموگرافياسى ءۇشىن راديوفارمپرەپاراتتار ءوندىرىسى ۇيىمداستىرىلىپ, ولاردى مەديتسينالىق كلينيكالارعا تۇراقتى جەتكىزۋ قامتاماسىز ەتىلدى. وسى ورتالىقتىڭ نەگىزىندە ءتۇرلى اۋرۋلاردى دياگنوستيكالاۋ ءۇشىن عانا ەمەس, سونداي-اق ولاردىڭ راديونۋكليدتىك تەراپياسى ءۇشىن راديوفارمپرەپاراتتاردىڭ كەڭ اۋقىمدى وندىرىسىنە بارلىق جاعداي جاسالعان. وسىعان بايلانىستى فورۋم اياسىندا «مەديتسينا, ونەركاسىپ جانە اۋىل شارۋاشىلىعىنداعى يادرولىق جانە رادياتسيالىق تەحنولوگيالار» 1-ءشى حالىقارالىق كونفەرەنتسياسى وتەدى, ول يادرولىق فيزيكا ينستيتۋتىنىڭ, قازاقستان رەسپۋبليكاسىنىڭ مەديتسينالىق ورتالىقتارى, ونەركاسىپ جانە اۋىلشارۋاشىلىعى كاسىپورىندارى ماماندارى ىنتىماقتاستىعىنىڭ ودان ءارى نىعايۋىنا ىقپال ەتەتىن بولادى. فورۋم شەڭبەرىندە اەحا قولداۋىمەن «يادرولىق رەاكتسيالار بويىنشا ازيالىق دەرەكتەر بازاسىن دامىتۋ» 10-شى سەمينارى وتەدى.
حالىقارالىق كونسۋلتاتسيالىق كەڭەس جانە فورۋمنىڭ ۇيىمداستىرۋ كوميتەتى قۇرامىنا الەمنىڭ كوپتەگەن ەلدەرىنەن يادرولىق فيزيكا, اتوم ەنەرگەتيكاسى, قاتتى دەنە فيزيكاسى, رادياتسيالىق ماتەريالتانۋ, رادياتسيالىق ەكولوگيا جانە يادرولىق مەديتسينا سالاسىنداعى جەتەكشى ماماندارى, سونداي-اق بىرقاتار حالىقارالىق ۇيىمداردىڭ وكىلدەرى كىردى. فورۋم جۇمىسىنا جاقىن جانە الىس شەتەلدەردىڭ 17 ەلىنەن كەلگەن 200 اسا عالىمدار قاتىسادى: اۆستريا, ازەربايجان, ارمەنيا, بەلارۋس, گەرمانيا, ءۇندىستان, يتاليا, قىتاي, موڭعوليا, رەسەي, تاجىكستان, تۇركيا, وزبەكستان, ۋكراينا, فرانتسيا, چەحيا جانە جاپونيا.فورۋم 24-27 ماۋسىم اراسىندا وتەدى.
الماتى.