بەيسەنبى, 21 اقپان 2013 7:10
«Apple» كورپوراتسياسى ءوزىنىڭ ىشكى جەلىسىنە حاكەرلىك شابۋىل جاسالعانىن مالىمدەدى. شابۋىل كەزىندە حاكەرلەر باعدارلامالىق قامتاماسىز ەتۋ قىزمەتىن پايدالانعان. اتالعان كومپانياعا شابۋىل وسىدان شامالى ۋاقىت بۇرىن جاسالعان باسقا دا امەريكالىق كومپانيالارعا شابۋىلدارمەن بايلانىستىرىلىپ وتىر.
بەيسەنبى, 21 اقپان 2013 7:10
«Apple» كورپوراتسياسى ءوزىنىڭ ىشكى جەلىسىنە حاكەرلىك شابۋىل جاسالعانىن مالىمدەدى. شابۋىل كەزىندە حاكەرلەر باعدارلامالىق قامتاماسىز ەتۋ قىزمەتىن پايدالانعان. اتالعان كومپانياعا شابۋىل وسىدان شامالى ۋاقىت بۇرىن جاسالعان باسقا دا امەريكالىق كومپانيالارعا شابۋىلدارمەن بايلانىستىرىلىپ وتىر.
امەريكا قۇراما شتاتتارى كيبەرشابۋىلداردىڭ كوپشىلىگى اقش كومپانيالارىنا باعىتتالىپ وتىرعانىن حابارلادى. شابۋلداۋشىلار قىتايدىڭ شانحاي قالاسىنىڭ توڭىرەگىندەگى بازادا ورنالاسقان سەكىلدى. اقش تاراپى حاكەرلەردى قىتايدىڭ ۇلت-ازاتتىق ارمياسىمەن بايلانىسى بولۋى ىقتيمال ەكەنىن كولدەنەڭ تارتادى. ويتكەنى, شابۋىلدار نەگىزىنەن جاڭا تەحنولوگيالارعا باعىتتالىپ وتىرعان كورىنەدى. قىتاي جاعى وزدەرىنىڭ كىناسىزدىگىن ايتىپ, اقتالۋدا.
جەمقورلىق زاردابى ايتارلىقتاي رەسەيدەگى جەمقورلىق قىلمىستان كەلگەن شىعىن وتكەن جىلى 21 ميلليارد ءرۋبلدى قۇراعان. بۇل تۋرالى مەمدۋماداعى «پارلامەنت ساعاتىندا» رەسەيدىڭ باس پروكۋرورى يۋري چايكا مالىمدەدى.يۋ.چايكانىڭ ايتۋىنشا, 49 مىڭنان استام جەمقورلىق ارەكەتتەرى انىقتالسا, بۇل 2011 جىلمەن سالىستىرعاندا 25 پايىزعا كوپ. مۇنداي قىلمىسقا بارعان ادامدار سانى دا 13 پايىزعا ارتقان. ال ءىرى جانە اسا ءىرى شىعىن اكەلگەن قىلمىستار سانى بۇدان دا اسىپ, 80 پايىزدى قۇراعان. مەملەكەتتىك تاپسىرىس سالاسىندا باس پروكۋراتۋرا ءبىر جىلدا 83 مىڭ زاڭ بۇزۋشىلىقتاردى انىقتاسا, 343 قىلمىستىق ءىس قوزعالعان. مەمدۋماداعى وتىرىسقا قاتىسقان تەرگەۋ كوميتەتىنىڭ باسشىسى الەكساندر باسترىكيننىڭ سوزىنە قاراعاندا, جەمقورلىق باعىتتاعى انىقتالعان قىلمىستار سانى ايتارلىقتاي ءوسىپ, 50 مىڭعا جەتكەن.
اسكەري قىزمەتىمەن قوش ايتىستى امەريكا گەنەرالى, ناتو كۇشتەرىنىڭ ەۋروپاداعى قولباسشىلىعىنا بۇرىنعى كانديدات دجون اللەن اسكەري قىزمەتىمەن قوش ايتىستى. بۇل تۋرالى اقش پرەزيدەنتى باراك وباما حابارلادى. اۋعانستانداعى حالىقارالىق كۇشتەردىڭ قولباسشىلىعى قىزمەتىنەن كەتكەن 60 جاستاعى گەنەرال كەزەكتى تاعايىنداۋعا قاتىستى ويلانۋعا ۋاقىت بەرىلۋىن سۇراعان ەدى.گەنەرال وتستاۆكاسىنىڭ ءفورمالدى سەبەبى رەتىندە اۋعانستاندا وتكىزگەن 19 ايلىق قىزمەتىنەن كەيىن ونىڭ وتباسىمەن بولعىسى كەلەتىنى كولدەنەڭ تارتىلادى. سونىمەن ءبىر مەزگىلدە, دج.اللەن ءوزىنىڭ وتستاۆكاسى قورعانىس مينيسترلىگىنىڭ قىزمەتكەرى دجيلل كەللي حانىممەن حات جازىسىپ تۇرعانىنا وراي تەكسەرۋ باستالعاندىعىمەن بايلانىستى بولۋى ىقتيمال ەكەنىن تەرىسكە شىعاردى. ال اقش پرەزيدەنتى گەنەرالدىڭ كانديداتۋراسىن ناتو كۇشتەرىنىڭ ەۋروپاداعى قولباسشىلىعى قىزمەتىنە وتكەن جىلدىڭ قازانىندا ۇسىنعان بولاتىن.
زەرگەرلىك دۇكەنىن ۇپتەگەندەر كىم؟ قارۋلى قىلمىسكەرلەر پاريجدەگى زەرگەرلىك دۇكەنىنە شابۋىل جاساپ, قۇنى 3 ميلليون ەۋرو تۇراتىن زەرگەرلىك بۇيىمداردى ۇپتەپ كەتكەن. توناۋشىلار تاپانشامەن قارۋلانىپتى جانە وزدەرى ەكى ادام ەكەن. مۇنى جەرگىلىكتى پوليتسيا وكىلدەرى مالىمدەدى.توناۋشىلار فرانتسيا استاناسىنىڭ ورتالىعىنداعى «De Beers» كومپانياسىنىڭ بۋتيگىن كەشكىسىن شابۋىلداعان. قىمبات بۇيىمداردى ەكى سورەدەن ۇرلاپ, عيماراتتى جاسىرىن ەسىك ارقىلى تاستاپ شىققان. توناۋ بارىسىندا قىلمىسكەرلەر قارۋ جۇمساماعان, سوندىقتان زارداپ شەككەن ەشكىم جوق. اتالعان كومپانيا الماستار مەن گاۋھار تاستار ءوندىرىپ ساتۋدان الەمدىك كوشباسشىلاردىڭ ءبىرى بولىپ تابىلادى. كورپوراتسيانىڭ افريكاداعى كەنىشتەرىندە بۇكىل الەمدەگى الماستاردىڭ 40 پايىزى وندىرىلەدى.
بولگاريا ۇكىمەتى وتستاۆكاعا كەتتىبولگاريا پرەمەر-ءمينيسترى بويكو بوريسوۆ ءوز ۇكىمەتىنىڭ وتستاۆكاعا كەتەتىنىن مالىمدەدى. ول مالىمدەمەسىن ەلەكتر قۋاتىنا جوعارى باعا تۋىنداتقان كوپ كۇندىك نارازىلىق اكتسيالارى بارىسىندا جاسادى. جانە دە وتپەلى كابينەتتە دە قالمايتىنىن جاريا ەتتى.نارازىلىق اكتسيالارى بىرنەشە كۇننەن بەرى ەل استاناسى سوفيادا جانە ەلدىڭ باسقا دا بىرقاتار قالالارىندا ءوتىپ جاتىر. دەمونسترانتتار ەلەكتر قۋاتىنا باعانى تومەندەتۋمەن قاتار, ب.بوريسوۆتىڭ وتستاۆكاسىن دا تالاپ ەتكەن بولاتىن. ال وتستاۆكاسىنىڭ الدىندا ول ەلەكتر قۋاتىنا باعانى تومەندەتۋگە ۋادە بەرگەن ەدى. ەۋرووداقتاعى ەڭ كەدەي ەل سانالاتىن بولگاريادا ەلەكتر قۋاتىنا تاريف ەكى ەسەدەن استامعا وسىرىلگەن بولاتىن. ەلدەگى زەينەتاقىنىڭ ورتاشا كولەمى 138 ەۋرونى قۇراسا, ەلەكتر قۋاتىنىڭ قۇنى ودان دا اسىپ كەتكەن.
پيراتتار التى تەڭىزشىنى ۇرلادىتەڭىز قاراقشىلارى نيگەريا جاعالاۋلارىندا التى تەڭىزشىنى – ءبىر رەسەيلىكتى, ەكى ۋكراينالىقتى جانە ەكى ءۇندىستان ازاماتىن ۇرلاپ كەتكەن. بۇل تۋرالى افريكا ەلدەرى قاۋىپسىزدىك قىزمەتىنىڭ دەرەك كوزدەرىنە سىلتەمە جاساي وتىرىپ, «رەيتەر» اگەنتتىگى حابارلادى. تەڭىزشىلەر ۇرلانعان كەمە مالايزيا كومپانياسىنىڭ يەلىگىندە جۇمىس ىستەيدى ەكەن.جالپى, نيگەريا جاعالاۋلارىندا سوڭعى كەزدەرى مۇناي ءوندىرۋ بەلسەندى جۇرگىزىلسە, كەمەلەرگە شابۋىل جاساپ, ادام ۇرلاۋ ۇدەرىستەرى دە جيىلەي تۇسكەن. تەڭىز قاراقشىلارى وزدەرى ۇرلاعان تەڭىزشىلەر ءۇشىن اقشا تالاپ ەتەدى. تەڭىزدەگى وسىنداي شابۋىلدار سوڭعى رەت اقپاننىڭ 7-ءسى جانە 10-ى كۇندەرى جاسالعان ەكەن. قاراقشىلار ۇرلانعانداردى كەيىن بوساتىپ جىبەرەدى. بىراق تولەم العان-الماعاندارىن ايتپايدى.
قىسقا قايىرىپ ايتقاندا:
*رەسەيدىڭ مۋرمانسك وبلىستىق دۋماسىنىڭ دەپۋتاتى دميتري گاۆريكوۆقا ىزدەۋ جاريالاندى. وعان تۇرعىن ءۇي-كوممۋنالدىق شارۋاشىلىعى مەن ەنەرگەتيكا سالاسىندا 1,5 ميلليارد رۋبل ۇرلادى دەگەن كۇدىك كەلتىرىلىپ وتىر. ىسكە قاتىسى بار دەپ شەشىلگەن, اتتارى اتالمايتىن ەكى ادام ۇستالعان.* ماسكەۋدە تاجىك وپپوزيتسيونەرى, ساياساتتانۋشى باحتيەر ساتتوريگە شابۋىل جاسالعان. ول بۇرىن تاجىكستان ميگراتسيا قىزمەتىنىڭ وكىلدىگىندە ءباسپاسوز حاتشىسى بولىپ جۇمىس ىستەگەن. بۇل قىزمەتىنەن كەتكەننەن كەيىن ماسكەۋدە تۇراتىن تاجىك وپپوزيتسياشىلارىنىڭ قاتارىنا قوسىلعان. ب.ساتتوريگە 18 جەردەن پىشاق سالىنىپتى. جاعدايى وتە اۋىر كورىنەدى.* اسكەري قىزمەتشىلەر 2013-2015 جىلدار ارالىعىندا ەنگىزىلەتىن رەسەي ارمياسىنىڭ جاڭا فورماسىن سىنعا الدى. قوعامدىق پالاتا جۇرگىزگەن سۇراۋ سالۋلار نەگىزىندە 200 ساراپشى بىرنەشە اسكەري بولىمدەردە بولىپ, اسكەريلەردىڭ جاڭا فورماعا كوڭىلدەرى تولمايتىنىن انىقتاعان. ولاردىڭ پىكىرلەرىنشە, فورمانى جاساۋشىلار ماتەريالدان ۇنەمدەگەن.
ينتەرنەت ماتەريالدارى نەگىزىندە ازىرلەندى.