سەيسەنبى, 12 اقپان 2013 7:13
سودىرلار پارتيزاندىق سوعىس تاسىلىنە كوشۋدە
سودىرلار ماليدە سوعىس قيمىلدارىن جۇرگىزۋدىڭ پارتيزاندىق تاسىلىنە كوشىپ, گاو قالاسىن ءوز باقىلاۋىنا الۋدىڭ از-اق الدىندا قالعان. ءماليدىڭ ۇكىمەتتىك اسكەرلەرى فرانتسۋزداردىڭ كومەگىمەن عانا شابۋىلدىڭ بەتىن قايتارعان كورىنەدى.
سەيسەنبى, 12 اقپان 2013 7:13
سودىرلار پارتيزاندىق سوعىس تاسىلىنە كوشۋدە
سودىرلار ماليدە سوعىس قيمىلدارىن جۇرگىزۋدىڭ پارتيزاندىق تاسىلىنە كوشىپ, گاو قالاسىن ءوز باقىلاۋىنا الۋدىڭ از-اق الدىندا قالعان. ءماليدىڭ ۇكىمەتتىك اسكەرلەرى فرانتسۋزداردىڭ كومەگىمەن عانا شابۋىلدىڭ بەتىن قايتارعان كورىنەدى.
كۋاگەرلەردىڭ ايتۋلارىنا قاراعاندا, اتىس قالادا جەكسەنبىنىڭ ەكىنشى جارتىسىندا باستالعان. اۆتوماتتاردان, ءىرى كاليبرلى پۋلەمەتتەر مەن گراناتومەتتەردەن وق جاۋدىرىلعان كەزدە جەرگىلىكتى تۇرعىندار ۇيلەرىنە تىعىلۋعا ءماجبۇر بولعان. سول كەزدە ماليلىك اسكەريلەر جاقىن جەردە ورنالاسقان فرانتسۋز اسكەرلەرىنەن كومەك سۇراعان. ساراپشىلار ماليدەگى وقيعا جاڭا ساتىعا كوشىپ وتىر دەپ سانايدى. سودىرلار جاقسى قارۋلانعان فرانتسۋز اسكەرىمەن بەتپە-بەت كەلۋدەن ادەيى جالتارىپ, پارتيزاندىق تاسىلمەن ۇرىس جۇرگىزۋگە كوشكەن. ولار جەرگىلىكتى تۇرعىندار اراسىندا ءسىڭىپ كەتىپ, اسكەريلەر ءۇشىن وڭايلىقپەن قولعا تۇسپەيتىن كۇشكە اينالۋدا.
ۆوكزالداعى قايعىلى وقيعا
ءۇندىستاننىڭ اللاحاباد قالاسىنداعى ۆوكزالدا حالىقتىڭ سىعىلىسىپ, ءبىر-ءبىرىن تاپتاپ كەتۋى سالدارىنان وتىز التى ادام قازا تاپقان. ولار يندۋيستەردىڭ كۋمبا-مەلا اتتى مەيرامىنا بارا جاتقاندار كورىنەدى.
زارداپ شەككەن ونداعان ادام ءتۇرلى دەنە جاراقاتتارىمەن اۋرۋحانالارعا جەتكىزىلگەن. قايعىلى وقيعا ورىن العان ساتتە تەمىر جول ۆوكزالىندا بارلىعى 4 ميلليوننان استام ادام بولعان كورىنەدى. الدىن الا الىنعان اقپارات بويىنشا, ستانسادا جەر استى جولىنىڭ توبەسى وپىرىلىپ تۇسكەن. ونىڭ سىرتىندا پوليتسيانىڭ ادامداردى سىرتقا شىعارماي ۆوكزالدا ۇزاق ۋاقىت بويى ۇستاۋى دا جاعدايدى ۋشىقتىرىپ جىبەرگەن. شتاتتىڭ ۇكىمەتى وقيعا سەبەپتەرىن انىقتاۋعا كىرىستى. وكىمەتتىڭ ەسەبىنە قاراعاندا, بيىل كۋمباحا-مەلا مەيرامىنا 30 ميلليوننان استام ادام جينالعان كورىنەدى.
وباما قارۋسىزدانۋ جولىن تاڭدايدى
اقش پرەزيدەنتى باراك وباما يادرولىق ارسەنالدى ايتارلىقتاي قىسقارتۋ جونىندە ۇسىنىس جاساماق نيەتتە, دەپ جازادى «نيۋ-يورك تايمس» گازەتى.
12 اقپاندا وباما كونگرەسكە «ەلدەگى جاعداي تۋرالى» ءوزىنىڭ جىل سايىنعا جولداۋىن جولداماق. ۇسىنىلاتىن قىسقارتۋلاردىڭ ناقتى سانىنىڭ ايتىلۋى ەكىتالاي, دەگەنمەن اق ۇيدە يادرولىق وقتۇمسىقتاردىڭ سانىن ءبىر مىڭنان ازايتۋ مۇمكىندىكتەرى قاراستىرىلۋدا كورىنەدى. قازىرگى ۋاقىتتا اقش-تا 1700 يادرولىق زاريادتار بار. رەسەيمەن اراداعى كەلىسىم-شارت بويىنشا 2018 جىلعا قاراي ولاردىڭ سانى 1550-گە دەيىن قىسقارۋعا ءتيىس. امەريكالىق باق-تار اقش-تىڭ وقتۇمسىقتاردى 1000-1100 بىرلىككە دەيىن قىسقارتۋ تۋرالى رەسەيمەن كەلىسسوزدەرگە بارۋعا دايىن ەكەندىگىن حابارلاپ وتىر.
اۋعانستانداعى اسكەردى جاڭا قولباسشى باسقارادى
ناتو باس حاتشىسى اندرەس راسمۋسسەن كەشە اقش اۋە كۇشتەرى گەنەرالى دجوزەف دانفوردتىڭ اۋعانستانداعى قاۋىپسىزدىككە ىقپال ەتۋ جونىندەگى حالىقارالىق كۇشتەردىڭ كومانداشىسى قىزمەتىنە كىرىسكەنىن حابارلادى.
سونىمەن بىرگە, ول ناتو-نىڭ اۋعانستانداعى كۇشتەرىنىڭ بۇرىنعى قولباسشىسى, بۇدان بىلاي ناتو-نىڭ ەۋروپاداعى كۇشتەرىنە باسشىلىق جاسايتىن دجون الەنگە العىس ايتقان. ول تاماشا باسشىلىق ۇلگىسىن كورسەتتى, اقش سەناتى ونىڭ كانديداتۋراسىن بەكىتكەن كەزدە ونىڭ ناتو-نىڭ ەۋروپاداعى بىرلەسكەن كۇشتەرىنىڭ باس قولباسشىسى رەتىندە دە ءوز ءىسىن ءدال سونداي بەرىلگەندىكپەن اتقاراتىنىنا مەنىڭ سەنىمىم مول, دەپ اتاپ وتكەن سولتۇستىكاتلانتيكالىق اليانستىڭ باس حاتشىسى.
ۇلىبريتانيا قۇرامىنان شىقپاۋعا شاقىردى
ۇلىبريتانيا ۇكىمەتى شوتلانديانىڭ تاۋەلسىزدىگى تۋرالى دايىندالىپ جاتقان رەفەرەندۋمعا قاتىستى ەگەر داۋىس بەرۋ وڭ شەشىلەر بولسا, شوتلانديانى ەكونوميكالىق اپاتتار كۇتىپ تۇر, دەپ ۇرەيلەندىرۋدە.
ايتا كەتۋ كەرەك, شوتلانديانىڭ تاۋەلسىزدىگى تۋرالى رەفەرەندۋم 2014 جىلعا بەلگىلەنگەن بولاتىن. ۇلىبريتانيا پرەمەر-ءمينيسترى دەۆيد كەمەرون شوتلانديا حالقىنا ۇلىبريتانيا قۇرامىنان شىقپاۋ جونىندە ۇندەۋ تاستادى. ەگەر قاراپايىم اقىلعا سالار بولساق, بريتانيا جۇمىس ىستەۋدە جانە جاقسى جۇمىس ىستەۋدە, ونى كۇيرەتۋدىڭ قاجەتى قانشا, دەپ اتاپ كورسەتكەن ۇكىمەت باسشىسى ءوز ۇندەۋىندە. سونىمەن بىرگە, كەمەرون وڭىرلىك بيلىكتىڭ وكىلەتتىگىن بۇرىنعىدان دا گورى كەڭەيتە تۇسۋگە دايىن ەكەنىن دە مالىمدەپ وتىر.
وپپوزيتسيا اسادپەن ۇنقاتىسۋعا دايىن
سيريالىق وپپوزيتسيا ەل پرەزيدەنتى باشار اسادتىڭ رەجىمىمەن ۇنقاتىسۋعا دايىن ەكەندىگىن حابارلادى. بۇل تۋرالى سيريا ۇلتتىق كواليتسياسىنىڭ وكىلى مۋاز ءال-حاتيب مالىمدەگەن.
رەسمي مالىمدەمەدە ءال-حاتيب كەزدەسۋ ءۇشىن ەلدىڭ سولتۇستىگىندەگى كوتەرىلىسشىلەر باسىپ العان جەردىڭ بەلگىلەنىپ وتىرعانىن حابارلاعان. وندا ب.اسادتىڭ ۇلكەن قانتوگىسكە بارماي بيلىكتى ءوز ەركىمەن بەرۋ جوسپارى تالقىلانباق. بىراق وعان ب.اساد كەلىسە مە, الدە كەلىسپەي مە, ەڭ ماڭىزدى ماسەلە وسى, دەپ اتاپ كورسەتكەن م.ءال-حاتيب. ايتا كەتۋ كەرەك, بۇعان دەيىن دە وپپوزيتسيالىق ۇيىمداردىڭ سيريا ۇكىمەتىن كەلىسسوزدەرگە شاقىرعان جاعدايلارى بولعان. بىراق ولاردىڭ ءبىر دە ءبىرى ماسەلە رەتىندە ناقتى قارالعان ەمەس.
برازيليادا كارناۆال باستالدى
برازيليادا 8 اقپاندا باستالعان كارناۆال بەس كۇنگە سوزىلماق. ول ەلدىڭ تەك ءىرى قالالارىندا عانا ەمەس, سونىمەن بىرگە شاعىن ەلدى مەكەندەردە دە وتەتىن بولادى.
كارناۆال ريو-دە-جانەيروداعى سالتاناتتى راسىمنەن باستاۋ الدى. ريو قالاسىنىڭ پرەفەكتى ەدۋاردو پاەس كارناۆالدىڭ كوش باستاۋشىسى – «مومو كورولىنە» قالا كىلتىن تاپسىرا وتىرىپ, كارناۆالدىق شەرۋدىڭ باستالعانىن جەتكىزگەن. مەرەكە كۇندەرى ريو قالاسىنىڭ ورتالىعىمەن 492 كارناۆالدىق اربا وتپەك. ريوداعى مەرەكەگە التى ميلليونداي ادام كەلەدى دەپ كۇتىلۋدە. ول وتكەن جىلعىدان 700 مىڭ ادامعا كوپ. مۇنىڭ ريو-دە-جانەيرو ءۇشىن جاڭا رەكورد بولۋى دا مۇمكىن. كورەرمەندەر قاۋىپسىزدىگىن 14,5 مىڭ پوليتسەي قاداعالايتىن بولادى.
ينتەرنەت ماتەريالدارى نەگىزىندە ازىرلەندى.