دەرەك تاڭەرتەن «ەۋرازەق» سايتىندا جاريالاندى. «ەۋرازەق - قا جانە توراعا سي ءتسزينپيننىڭ" ءبىر بەلدەۋ-ءبىر جول " يدەياسىنا قاتىستى ايتار بولساق, بىزدە ناقتى بىرلەسكەن جوبا بار: قىتايدان قازاقستانعا جول ءجۇرىپ جاتىر, ينفراقۇرىلىمدىق جوبا ۇلكەن. ءبىز ءوزىمىزدىڭ اۆتوموبيل ماگيسترالىمىزدى قازاقستانعا دەيىن تارتۋىمىز كەرەك, ايتپاقشى, كەشىگىپ جاتىرمىز, سەبەبى قازاقتاسسر مۇنى جاسادى», - دەپ مالىمدەدى رف پرەزيدەنتى ۆ. پۋتين.
«باتىس ەۋروپا — باتىس قىتاي» ينۆەستيتسيالىق جوباسى رەسەي, قازاقستان جانە قىتاي اۋماقتارىن قامتيدى. مارشرۋتتىڭ جالپى ۇزىندىعى 8 مىڭنان استام كيلومەتردى قۇرايدى. ونىڭ 2787 كيلومەترى قازاقستان اۋماعى بويىنشا, 3181 كيلومەترى قحر جانە 2192 كيلومەترى رەسەي ارقىلى وتەدى. قۇرىلىس 2008 جىلى باستالدى. قىتاي — قازاقستان ۋچاسكەسى جۇمىس ىستەپ تۇر.
«ءبىر بەلدەۋ, ءبىر جول» تۇجىرىمداماسى قىتايدىڭ ورتالىق ازيانىڭ, ەۋروپا مەن افريكانىڭ 60-تان استام ەلىن بايلانىستىراتىن قولدانىستاعى ساۋدا-كولىك دالىزدەرىن جەتىلدىرۋ جانە جاڭالارىن قۇرۋ جونىندەگى باستاماسى بولىپ تابىلادى.
«جىبەك جولىنىڭ ەكونوميكالىق بەلدەۋىن» قالىپتاستىرۋ يدەياسىن قحر كوشباسشىسى سي تسزينپين ۇسىندى جانە 2013 جىلعى قىركۇيەكتە قازاقستانعا مەملەكەتتىك ساپارى اياسىندا استانادا سويلەگەن سوزىندە العاش رەت ايتقان ەدى.