«ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ» مەملەكەتتىك باعدارلاماسى اياسىندا «يگىلىك», «ىنتىماق», «كاسىپكەر», «بىرلىك» جانە «ەگىنجاي» نەسيە ونىمدەرى, اگروونەركاسىپ كەشەنىن دامىتۋ مەملەكەتتىك باعدارلاماسى اياسىندا - «ىرىس» جانە «سىباعا» نەسيەلىك باعدارلامالارى قارجىلاندىرىلادى.
«قازىرگى ۋاقىتتا قوردىڭ وبلىس ورتالىقتارىنداعى, سونداي-اق نۇر-سۇلتان, الماتى, سەمەي قالالارىندا جۇمىس ىستەيتىن بارلىق فيليالداردا «ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ» باعدارلاماسى اياسىندا وتىنىمدەر قابىلداپ, نەسيە بەرىپ جاتىر, - دەيدى «اۋىل شارۋاشىلىعىن قارجىلاي قولداۋ قورى» اق باسقارما توراعاسى جاندار وماروۆ. - باعدارلاما بويىنشا نەسيەلەر ءتۇرلى ماقساتتارعا جىلدىق 6%-تىك سىياقى ستاۆكاسى بويىنشا بەرىلەدى, جىلدىق ءتيىمدى سىياقى مولشەرلەمەسى 6,7%-تەن اسپايدى. قور ءوزىنىڭ نەسيەلىك ونىمدەرىنىڭ كومەگىمەن اۋىل تۇرعىندارى مەن اۋىل شارۋاشىلىعى تاۋارلارىن وندىرۋشىلەردىڭ جوبالارىن ءتۇرلى ماقساتتى باعىتتار بويىنشا قارجىلاندىرادى. مىسالى, «يگىلىك» باعدارلاماسى بويىنشا ءىرى قارا مال, ۇساق مال, جىلقى, تۇيە, قۇستار, بال ارالارىن ساتىپ الۋ قاراستىرىلعان بولسا, «بىرلىك» باعدارلاماسى بويىنشا ءسۇت قابىلداۋ پۋنكتتەرىنە ارنالعان جابدىقتار ساتىپ الىنادى. «كاسىپكەر» اۋىلداعى بارلىق بيزنەس تۇرلەرىن دامىتۋعا باعىتتالعان».
اۋىل شارۋاشىلىعىن قارجىلاي قولداۋ قورى جىلىنا 10 مىڭنان استام كاسىپكەردى قارجىلاندىرادى. سونىڭ 80%-كە جۋىعى ستارتاپ-جوبالار ەكەنىن ەسكەرسەك, قوردىڭ قولداۋىمەن قانشاما جاڭا جوبا جۇزەگە اسىپ جاتقانىن اڭعارۋ قيىن ەمەس.
«قور شاعىن نەسيە بەرۋدى باستاعاننان بەرى اۋىل تۇرعىندارى مەن اۋىل شارۋاشىلىعى تاۋارىن وندىرۋشىلەرگە 280 ملرد. تەڭگەگە جۋىق قارجى بەرگەن ەكەنبىز. بۇل 150 مىڭ نەسيە دەگەن ءسوز. نەگىزىنەن بۇلار شاعىن بيزنەسكە بەرىلدى, ياعني, جەكە قوسالقى شارۋاشىلىقتار مەن فەرمەرلىك قوجالىقتار. بانك سەكتورىمەن سالىستىراتىن بولساق, بۇل سەگمەنتتە قور كوشباسشى دەپ ايتا الامىز. مىسالى, ستاتيستيكا بويىنشا ەكىنشى دەڭگەيلى بانكتەر اۋىل شارۋاشىلىعى سالاسىنا 490 ملرد. تەڭگە باعىتتاعان بولسا, سونىڭ تەك 14,7 ملرد. تەڭگەسى جەكە تۇلعالارعا بەرىلگەن. ال, اۋىل شارۋاشىلىعىن قارجىلاي قولداۋ قورى ءبىر جىلدىڭ ىشىندە 53,8 ملرد. تەڭگەنىڭ نەسيەسىن بەرگەن. سونداي-اق, قوردىڭ شارتتارى نەسيە الۋشىلار ءۇشىن وتە قولايلى. ءبىزدىڭ باعدارلامالار بويىنشا جىلدىق ورتاشا سىياقى ستاۆكاسى 6%. ال, بانكتەردە 10-16%», - دەيدى «اۋىل شارۋاشىلىعىن قارجىلاي قولداۋ قورى» اق نەسيەلەندىرۋ دەپارتامەنتىنىڭ ديرەكتورى گەررارد باال.
شارتى جەڭىل ءتيىمدى نەسيەنى الۋشىلاردىڭ سانى جىل سايىن ارتىپ كەلەدى. سولاردىڭ ىشىنەن بىرقاتارىن ناقتى مىسال رەتىندە اتاپ وتۋگە بولادى. ايتالىق, قىزىلوردا وبلىسىنىڭ اقجارما اۋىلىندا تۇراتىن التىن القا يەگەرى جەڭىسكۇل ىزتىلەۋوۆا ناتيجەلى جۇمىسپەن قامتۋ باعدارلاماسىنا قاتىسىپ, «اۋىل شارۋاشىلىعىن قارجىلاي قولداۋ قورى» اق قىزىلوردا وبلىستىق فيليالى ارقىلى 4 ملن.تەڭگە نەسيەگە قول جەتكىزگەن. بۇل قارجىعا 24 باس سيىر ساتىپ العان. قازىر سيىرلارىنىڭ سۇتىنەن پايدا كورىپ وتىر. ەندى مال باسىن ودان ءارى كوبەيتپەك.
اقمولا وبلىسىنىڭ تۇرعىنى ليۋبوۆ بۋگاەۆا ءوز شارۋاشىلىعىن دامىتۋ ءۇشىن قوردىڭ نەسيەلەۋ باعدارلامالارىن بىرنەشە رەت پايدالانعان. كومپانيامەن بىرلەسە ءوز بيزنەسىن جۇرگىزۋ ارقىلى وتباسىن دا اسىراپ, اۋىل تۇرعىندارىن دا جۇمىسپەن قامتىپ كەلەدى.
«2018 جىلى زەرەندى اۋدانىنا قاراستى ايدابول اۋىلىنىڭ تۇرعىندارىن - 24 جەكە قوسالقى شارۋاشىلىقتى بىرىكتىرىپ, «نادەجدا» اۋىلدىق وندىرىستىك كووپەراتيۆىن ۇيىمداستىردىم. سول جىلى قوردان «ىنتىماق» نەسيە باعدارلاماسى بويىنشا 8,7 ملن. تەڭگەنى نەسيەگە الىپ, وعان كولەمى 1,5 مىڭ توننا بولاتىن ءسۇت تاسىعىش كولىك ساتىپ الدىم. جاڭا اۆتوكولىك ءسۇتتى زاۋىتقا جەتكىزۋ ۋاقىتىن قىسقارتۋعا, شيكىزاتتىڭ وزىندىك قۇنىن تومەندەتۋگە مۇمكىندىك بەردى. مۇنىڭ الدىندا ءبىزدىڭ فەرما 500 ليتر ءسۇت وندىرسە, بۇگىنگى كۇنى ءوندىرۋشى كاسىپورىنعا 1,3 مىڭ ليتر ءسۇت تاپسىرامىز. قوردان الىنعان تاعى ءبىر نەسيەگە ۇلكەن تانكەر-سالقىنداتقىشتى ساتىپ الدىق. باعاسى - 2,8 ملن. تەڭگە, ال ونىڭ ءبىر بولىگىن مەملەكەتتەن الىنعان سۋبسيديامەن وتەيمىز», - دەيدى ليۋبوۆ بۋگاەۆا.
پاۆلودار وبلىسىنا قاراستى كەمەڭگەر اۋىلىنىڭ تۇرعىنى قايسا اقىلبەكوۆ ءوزىنىڭ ءبىر تەحنيكاسى ازدىق ەتكەندىكتەن اۋىل شارۋاشىلىعىن قارجىلاي قولداۋ قورى ارقىلى تاعى ءبىر جاڭا جۇك تيەگىش تەحنيكا ساتىپ العان.
«باعدارلاما بويىنشا تەگىن وقىپ, بيزنەس جوسپار جاساعاندا باستى ماقساتىم اۋىل تۇرعىندارىنا كومەكتەسە وتىرىپ, كاسىپ ىستەۋ ەكەنىن كورسەتتىم. قىستا قار تازالاۋعا, جازدا اۋىلدىڭ باسقا دا شارۋالارىنا تاپتىرمايتىن ەكى جۇك تيەگىش تەحنيكام بار قازىر. جىل ون ەكى اي جۇمىس تابىلىپ تۇرادى. نەسيە تولەمىن جارتى جىلدا ءبىر جاۋىپ وتىرۋدىڭ ءوزى قارجى جيناۋعا ۇلكەن كومەك», - دەيدى قايسا اقىلبەكوۆ.
بۇلاردان باسقا دا مىڭداعان اۋىل كاسىپكەرى قوردان نەسيە الىپ, كاسىپتەرىن دوڭگەلەتىپ وتىر. ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋ باعدارلاماسى بويىنشا بيىل قارجى تۇسكەننەن باستاپ قور تاراپىنان اۋىل كاسىپكەرلەرىنە 966 نەسيە بەرىلدى. جالپى سوماسى – 3,7 ملرد تەڭگە.
اۋىل تۇرعىندارى بارلىق تۋىنداعان ماسەلە بويىنشا اۋداندىق جۇمىسپەن قامتۋ ورتالىعى, كاسىپكەرلەر پالاتاسىنىڭ اۋداندىق فيليالى, وبلىس ورتالىعىندا ورنالاسقان قور فيليالى قىزمەتكەرلەرىنەن كەڭەس الا الادى. سونىمەن قاتار, ءوز سۇراقتارىڭىزعا 8 800 080 35 05 تىكەلەي جەلى تەلەفونى ارقىلى جاۋاپ الا الاسىزدار.