سەيسەنبى, 5 اقپان 2013 7:25
قازاقستاننىڭ ەرلەر قۇراماسى تاعى دا وتانداستارىن قۋانتتى.جەكسەنبى كۇنى دياس دوسقاراەۆ باسقاراتىن قۇراما كوماندامىز اۆستريا تەننيسشىلەرىن ءۇش كۇنگى ناتيجەنى ساناعاندا 3:1 ەسەبىمەن ۇتىپ, دەۆيس كۋبوگىنىڭ شيرەك فينالىنا جولداما الدى.
سەيسەنبى, 5 اقپان 2013 7:25
قازاقستاننىڭ ەرلەر قۇراماسى تاعى دا وتانداستارىن قۋانتتى.جەكسەنبى كۇنى دياس دوسقاراەۆ باسقاراتىن قۇراما كوماندامىز اۆستريا تەننيسشىلەرىن ءۇش كۇنگى ناتيجەنى ساناعاندا 3:1 ەسەبىمەن ۇتىپ, دەۆيس كۋبوگىنىڭ شيرەك فينالىنا جولداما الدى.
بۇل سىندا ءبىزدىڭ جىگىتتەر قارسىلاستارىنا ەشقانداي مۇمكىندىك بەرمەدى. ءبىرىنشى كۇنى اندرەي گولۋبەۆ پەن ەۆگەني كورولەۆ اۆستريالىق اندرەاس حايدەر-ماۋرەر مەن يۋرگەن مەلتسەردى ۇتسا, ءۇشىنشى كۇنى گولۋبەۆ ءبىر ءوزى كەزدەسۋدىڭ سوڭعى نۇكتەسىن قويدى.وسى كەزدەسۋدە مەلتسەر العاشقى سەتتىڭ ءۇش گەيمىن ءوز پايداسىنا شەشسە دە (4:6), ودان كەيىنگى سەتتەردە گولۋبەۆتەن ايلاسىن اسىرا المادى. ال, قازاقستاندىق تەننيسشى بولسا, ەكىنشى سەتتەن باستاپ كۇش-جىگەرىن جانىپ, توردىڭ ارعى جاعىنداعى قارسىلاسىن ءبىراز ءجۇگىرتتى. ول يۋرگەن مەلتسەردەن ەكىنشى سەتتە 6:3, ءۇشىنشىسىندە 6:4, ال سوڭعى سەتتە 6:2 ەسەبىمەن باسىم ءتۇستى.وسىدان كەيىن اۆستريا قۇراماسى بەسىنشى ويىننان باس تارتتى. ەندى كوماندا كاپيتانى دياس دوسقاراەۆ باسقاراتىن قازاقستان قۇراماسى شيرەك فينالدا چەحيامەن كەزدەسەدى. بۇل كوماندامەن ءبىز 2011 جىلى كەزدەسكەنبىز. سول كەزدە دەۆيس كۋبوگىنىڭ 1/8 فينالىندا چەحتاردى ءوز جەرىندە ۇتىپ, شيرەك فينالدا ارگەنتينا كومانداسىمەن كۇش سىناسقان بولاتىنبىز. بۇل جولى چەحتار سول جىلى كەتكەن ەسەنى قايتارۋعا تىرىساتىنى ءسوزسىز. وعان ەشقانداي كۇمان جوق. ولار سىرت الاڭدا شۆەيتساريانى 3:1 ەسەبىمەن جەڭىپ, شيرەك فينالعا جولداما الىپ وتىر.چەحيامەن كەزدەسۋ 5-7 ءساۋىر كۇندەرى وتەدى. ازىرشە ونىڭ وتەتىن ورنى بەلگىسىز. بىزگە سالساڭىز, شيرەك فينالدىق ماتچتىڭ استانادا ءوتكەنى جاقسى. ويتكەنى, ءوز ەلىمىزدە وتسە, تەننيسشىلەرىمىز جانكۇيەرلەردىڭ قولداۋىنا يە بولىپ, قارسىلاستارىنا ەسە جىبەرمەۋگە بارىنشا تىرىسىپ باعاتىنى ءسوزسىز. سول كەزگە قاراي ەلىمىزدىڭ ءبىرىنشى راكەتكاسى ميحايل كۋكۋشكين دە قۇراماعا قايتا قوسىلاتىن بولادى.ءبىزدىڭ قۇرامادان باسقا, شيرەك فينالدا يسپانيانى 3:2 ەسەبىمەن جەڭگەن كانادا حورۆاتيانى ءدال وسىنداي ەسەپپەن ۇتقان يتاليامەن, فرانتسيا ارگەنتينامەن جانە سەربيا اقش نەمەسە برازيليا كومانداسىنىڭ ءبىرەۋىمەن كەزدەسەدى. فرانتسيا مەن ارگەنتينا يزرايل مەن گەرمانيانى بىردەي 5:0 ەسەبىمەن ۇتتى.داستان كەنجالين,«ەگەمەن قازاقستان».