قازاقستان پرەزيدەنتى قاسىم-جومارت توقاەۆ كورەيا رەسپۋبليكاسىنىڭ پرەزيدەنتى مۋن چجە ينگە كوڭىل ايتۋ جەدەلحاتىن جولدادى. بۇل تۋرالى اقوردانىڭ ءباسپاسوز قىزمەتى حابارلادى.
«قازاقستان حالقىنىڭ جانە جەكە ءوزىمنىڭ اتىمنان سىزگە جانە دۋناي وزەنىندەگى كەمە اپاتى سالدارىنان جاقىندارىنان ايرىلعان وتباسىلارعا, سونداي-اق, بۇكىل دوستاس كورەيا رەسپۋبليكاسى حالقىنا قايعىلارىنا ورتاقتاسىپ, كوڭىل ايتامىن», – دەلىنگەن جەدەلحاتتا.
قاسىم-جومارت توقاەۆ قازا تاپقانداردىڭ تۋىستارى مەن جاقىندارىن سابىرعا شاقىرىپ, ال زارداپ شەككەندەردىڭ تەزىرەك ساۋىعىپ كەتۋىنە تىلەكتەستىك ءبىلدىردى.