شارا بارىسىندا ەتنومادەني بىرلەستىك وكىلدەرى مەن ماڭعىستاۋ وبلىسى قحا مۇشەلەرى جانە ەلىمىزدىڭ ءار قالاسىنان جينالعان «قازاقستان كارىستەر قاۋىمداستىعى» مۇشەلەرى جاس ۇرپاق ءبىلۋى ءتيىس ەسىمى ەل ەسىندە ساقتالعان قايراتكەرلەردىڭ ءبىرى, قاراپايىم جۇمىسشىدان مەملەكەت قايراتكەرى دارەجەسىنە دەيىن كوتەرىلگەن تۇلعا جالاۋ مىڭباەۆ ەسكەرتكىشىنە گۇل شوقتارىن قويدى. سونىمەن قاتار, دوستىق ۇيىندە «ناسلەديە ۆەليكوي ستەپي» ي «كورەيسكيە موتيۆى» اتتى كورمە ءوتتى. كورمەگە «مارتارت» جانە تاعى دا باسقا ونەر ستۋديالارىنىڭ كورنەكتى كارتينالارى قويىلدى.
«چوسون» ەتنومادەني بىرلەستىگىنىڭ ءتورايىمى رايسا مادەنوۆا كورمەدەگى ونەر تۋىندىلارىنىڭ ءمانى مەن ماعىناسىن تانىستىردى. كورمە بارىسىندا قوناقتارعا قازاقتىڭ ۇلتتىق تاعامدارى باۋىرساق پەن شۇباتى ۇسىنىلدى. قوناقتار كەرەمەت داستارحان مەن قوناقجايلىققا ريزا بولدى, ءوز العىستارىن ايتتى.
«قازاقتانۋ» جوباسى اياسىندا قازاقتىڭ سالت-ءداستۇرىنىڭ ءبىرى «تۇساۋكەسەر» ۇيىمداستىرىلعان بولاتىن, قۇرمەتتى قوناق «قازاقستان كارىستەر قاۋىمداستىعى» توراعاسى وگاي سەرگەي گەننادەۆيچ 1 جاسقا تولعان قازاق بالاسىنىڭ تۇساۋىن كەسىپ, ءتاي-ءتاي باسقان بۇلدىرشىنگە اق تىلەگىن ارنادى.