جيىندا نۇر-سۇلتان قالاسىنان كەلگەن وكىل سايلاۋ زاڭناماسىنداعى وزگەرىستەرمەن, سايلاۋ ناۋقانىنىڭ نەگىزگى كەزەڭدەرىمەن, كانديداتتاردىڭ سايلاۋ الدىنداعى ۇگىتتى جۇزەگە اسىرۋ شارتتارىمەن تانىستىردى. ءارى, سايلاۋ كوميسسيالارىنىڭ سايلاۋدى ازىرلەۋ مەن وتكىزۋ جونىندەگى وكىلەتتىكتەرىمەن, اۋماقتىق سايلاۋ كوميسسيالارىن جانە جەرگىلىكتى اتقارۋشى ورگانداردىڭ مۇمكىندىكتەرى شەكتەۋلى ازاماتتاردىڭ قۇقىقتارىن قامتاماسىز ەتۋ ءجونىندەگى مىندەتتەرىن ايتىپ بەردى.
«ۋچاسكەلىك سايلاۋ كوميسسيالارى جۇمىسىن باستادى. ءبىز وسى دايىندىق جۇمىستارىن پىسىقتاپ الۋىمىز كەرەك. سايلاۋ تۋرالى زاڭعا وزگەرىستەر ەنىپ وتىر. بيىلعى ۇيىمداستىرۋ ناۋقانىندا ءبىرقاتار جاڭاشىلدىقتار بار. ەندى سايلاۋ كوميسسياسىنىڭ مۇشەلەرى جۇمىستى جۇيەلى ۇيىمداستىرۋ كەرەك», دەدى ءلاززات جاڭىلىسقىزى.
القالى جيىندا شىمكەنت قالاسى اكىمى اپپاراتىنىڭ باسشىسى ەركەعالي الىمقۇلوۆ بيىلعى سايلاۋ ناۋقانى كەزىندە تۇرعىندار سايلاۋ ۋچاسكەلەرىن اداسپاي تابۋى ءۇشىن اتالعان ورىنداردى 2گيس ەلەكتروندى كارتاسىنا ەنگىزىپ جاتقاندىعىن جەتكىزدى. سونداي-اق سايلاۋشىلاردىڭ تىزىمدەرىن جاساۋ, سايلاۋ ۋچاسكەلەرىن ماتەريالدىق-تەحنيكالىق جاراقتاندىرۋ بويىنشا, ونىڭ ىشىندە مۇمكىندىگى شەكتەۋلى ازاماتتاردىڭ جاعدايلارىن قامتاماسىز ەتۋ بويىنشا قابىلدانعان ءىس-شارالار تۋرالى باياندادى.
«قالادا 260 سايلاۋ ۋچاسكەسى جۇمىس ىستەيدى. ونىڭ ىشىندە 25 ۋچاسكە جاڭادان قۇرىلىپ وتىر. بەكىتىلگەن كۇنتىزبەگە سايكەس, دايىندىق جۇمىستارى ءجۇرگىزىلۋدە. شىمكەنتتە 568 794 سايلاۋشى بار. قالا اكىمدىگى تاراپىنان سايلاۋدى ۇيىمداستىرۋداعى تسيفرلى تەحنولوگيالاردى قولدانۋ, مۇمكىندىگى شەكتەۋلى ازاماتتاردىڭ سايلاۋعا بەلسەنە قاتىسۋىنا بارلىق جاعداي قاراستىرىلۋدا», دەدى اپپارات باسشىسى.
سەميناردا قالالىق سايلاۋ كوميسسياسىنىڭ توراعاسى ەرلان داۋىلباەۆ سايلاۋ ناۋقانىن وتكىزۋ جاعدايى, سايلاۋ ۋچاسكەلەرىنىڭ داۋىس بەرۋ كۇنىنە دايىندىعى تۋرالى حاباردار ەتتى. بۇل رەتكى سەمينارعا اۋماقتىق ءجانە ۋچاسكەلىك سايلاۋ كوميسسيالارىنىڭ مۇشەلەرى, ەلەكتوراتتىق وقىتۋدىڭ سەرتيفيكاتتالعان ترەنەرلەرى, پرەزيدەنت جانىنداعى مەملەكەتتىك باسقارۋ اكادەمياسى فيليالىنىڭ وكىلدەرى مەن جەرگىلىكتى اتقارۋشى ورگانداردىڭ وكىلدەرى قاتىستى. شىمكەنت